Texasın Federal Məhkəməsi "Apple" korporasiyasını 302,4 milyon dollar cərimələyib.
Milli.Az lent.az-a istinadən xəbər verir ki, buna səbəb "VirnetX Holding Corp" tərtibatçısı şirkətinin təhlükəsiz kommunikasiyalar texnologiyaları ilə bağlı müəllif hüquqlarının pozulmasıdır.
Agentlik bildirir ki, söhbət iki patentin pozulmasından gedir. Onlar "FaceTime" video zənglər üçün əlavə vasitəsilə təhlükəsiz kommunikasiyalar texnologiyalarının və VoD ("video-on-demand" - sorğu ilə video) proqramının qanunsuz istifadəsidir.
Avqustda Federal Məhkəmə Texasın Qərb Dairəsi Məhkəməsinin qərarını rədd edib. Bu qərara görə, "Apple" korporasiyası 4 patent hüququnun pozulmasına görə 625 milyon dollardan artıq təzminat ödəməli idi.
2012-ci ildə "VirnetX Holding Corp." artıq "Apple"ə qarşı iddia qaldırıb. O zaman qaldırılan iddia ilə tərtibatçı ABŞ şirkətindən "FaceTime" əlavəsinin texnologiyalarından istifadə etdiyi üçün 368,2 milyon dollar ala bilib. Sonradan apelyasiya məhkəməsi bu qərarı ləğv edib.
Bu ilin fevral ayında "VirnetX" yenə də "iMessage" xidmətində patentləşdirilmiş texnologiyalardan istifadə etdiyi üçün "Apple"i məhkəməyə verib və korporasiyaya qarşı 625 milyon dollarlıq iddia qaldırıb. Sonradan bu qərar da rədd edilib.
Milli.Az
XƏBƏR LENTİ
