Ermənilər cəbhə xəttində yenidən fəallaşıblar. Ötən gün axşam saatlarında ermənilər Tovuz rayonunun sərhədyanı Əlibəyli kəndini iriçaplı silahlardan intensiv atəşə tutublar. Tovuz rayon Əlibəyli kənd icra nümayəndəsi Valeh Rzayevin ANS PRESS-ə verdiyi məlumata görə, ermənilər iki gündür ki, kəndi intensiv şəkildə atəşə tutur.
"Dünən axşam saatlarında kənd bir neçə saat atəş altında saxlanılıb. Atışma zamanı kənd sakini, 1982-ci il təvəllüdlü Xatirə Əliyeva biləyindən yaralanıb".
Kənddə bir ev də erməni güllərinin qurbanı olub. Belə ki, ev tamamilə yanıb. Atışma nəticəsində kənddə ümumilikdə 100-dək evə ziyan dəyib.
Tovuz rayon mərkəzi xəstəxanasının baş həkimin müavini Sayad Yusifovun ANS PRESS-ə verdiyi məlumata görə, hazırda Xatirə Əliyevanın vəziyyəti normaldır. Onun həyatı üçün heç bir təhlükə yoxdur.
Mənbə: ANS PRESS
XƏBƏR LENTİ
- ŞƏRHLƏR