Bir ay bundan öncə dana əti rayonlarda 8-9 manata satılırdısa, hazırda bu qiymət 5-6 manata düşüb. Alıcılar da ətin ən ucuz satıldığı mağazalara üz tuturlar.
Şamaxıda rayon mərkəzi bazarında və bəzi kəsim yerlərində qiymətlər stabil olaraq 6 manatdan satılsa da, elə yerlər də var ki, dana əti alıcılara 5 manatdan təqdim olnur. Satıcılar satışdan, alıcılar isə ucuz qiymətdən razıdırlar. Bəzi satıcılar kəsdikləri heyvanları özləri saxlayır və qiyməti də bu cür tənzimləyirlər. Səhər kəsilən dana artıq günortaya qədər satılır. Hər mağaza gün ərzində 100-200 kq ət satır.Ağcabədi rayonu ərazisində də əvvəllər 8 manata satılan mal əti indi alıcılara 6 manata təklif olunur. Qoyun ətinin qiyməti isə 9-10 manatdan 8 manata düşüb.Satıcı Mobil İbadov deyir ki, ətin ucuzlaşmasına baxmayaraq, alıcıların sayı artmayıb. Əvvəlki vaxtla müqayisədə satışa daha çox heyvan çıxaran fermerlər isə bazarda alıcı tapmaqda çətinlik çəkdiklərini deyirlər. Fermer Sərvər Məmmədov bildirir ki, əvvəllər Ağcabədidə bir ədəd yonca bağlamasını 2 manat 50 qəpiyə, 3 manata alırdılarsa, indi bu göstərici 5 manatdır. Çəkilən xərc və zəhmət müqabilində verilən qiymətin aşağı olması səbəbindən isə əksər fermerlər heyvanlarını satışa çıxarırlar. Bu səbəbdən də bazarlarda heyvanların sayı çoxalıb.Fermerlər həm də çəkisi çox olan heyvanları satmağın xüsusilə çətin olduğunu deyirlər.Milli.Az ətin ucuzlaşması və bunun digər kənd təsərrüfatı məhsullarının qiymətinə necə təsir edəcəyi ilə bağlı kiçik bir araşdırma aparıb. Bunun üçün üz tutduq iqtisadi-ekspert Vüqar Bayramova.V. Bayramovun sözlərinə görə, ucuzlaşmanın əsas səbəbi birmənalı şəkildə təklifin artmasına görədir. "Ət məhsullarının ucuzlaşmasının başlıca səbəbi bazara çıxarılan ət məhsullarının həcminin artmasıdır. Məhz buna görə təklifin artması qiymətin azalmasına gətirib çıxarıb. Təklifin artması yalnız fermerlərin, sahibkarların hansısa xərclər səbəbindən öz məhsullarını bazara çıxarması ilə bağlı deyil, heyvandarlıqda müşahidə edilən artımla bağlıdır. Son iki ildə aqrar sektorda inkişaf müşahidə olunur ki, bu da təklifin artmasına gətirib çıxarır".Ekspert oxucuların nəzərinə çatdırıb ki, Azərbaycan ət məhsullarına olan tələbatın bir qismini Gürcüstandan idxal etməklə ödəyir."Əslində Avropadan Rusiyaya qoyulan embarqodan sonra güman edilirdi ki, Gürcüstan öz məhsullarının əhəmiyyətli hissəsini Rusiya bazarına çıxaracaq, amma bu da reallaşmadı. Çünki rublun məzənnəsinin aşağı düşməsi və Rusiyada alıcılıq qabiliyyətinin azalması, artıq Gürcüstan iş adamları üçün Rusiyanı cəlbedici etmədi. Məhz buna görə iş adamları malları Azərbaycanda satmağa üstünlük verdilər. Təklifin artması həm yerli istehsalın, həm də ölkəyə idxalın çoxalması ilə bağlıdır. Xüsusən qoyun ətinə olan tələbatın ödənilməsində Gürcüstanın idxalı əhəmiyyətlidir. Gürcüstanın qonşu ölkələrində milli valyutaların devalvasiyası Azərbaycan bazarını Gürcüstan iş adamları üçün daha cəlbedici etdi. Bu da təbii ki, idxalın artmasına gətirib çıxardı".Ekspert bildirib ki, istehlakda da müəyyən qədər azalmalar müşahidə olunub.
"Azərbaycan üçün ət məhsullarının istehlakı həmişə önəmli olub. Çünki Azərbaycan mətbəxində ət məhsulları daimi olaraq istifadə olunur. Ancaq son illər ət məhsullarının istifadədə azalması da müşahidə olunur. Bu da ət məhsullarının insan sağlamlığına ziyanlı təsiri ilə bağlıdır. Xüsusən gənc ailələr qırmrızı ətdən az istifadə edirlər və bunun əvəzinə toyuq və quş əti yeyirlər ki, bu da tələbin azalmasına gətirib çıxarır. Ailələrin qida rasionu dəyişir. Artıq azərbaycanlılar Avropa və insan sağlamlığına az zərər verən mətbəxə üz tutmağa başlayırlar. Məhz bunlara görə tələb azalır və qiymətlər düşməyə başlayır.Ət məhsullarının Bakıdakı qiymətləri ilə bağlı sualımızdan da yan keçməyən ekspert bu barədə təəssüflənərək bildirdi ki, Bakıda ciddi azalmalar müşahidə olunmayıb."Rayonlarda qiymətlərdə azalmalar olsa da, təəssüf ki, hələlik Bakıda ciddi azalmalara şahid olmamışıq. Bu da paytaxtda tələbin hələ də yüksək olması ilə bağlıdır. Bakıda təklif çoxalsa belə, tələb yüksəkdir. Amma nəzərə alsaq ki, Bakı üçün topdansatış qiymətləri rayondur, rayonlarda qiymətin azalması Bakıya da təsir edə bilər. Bu baxımdan güman olunur ki, rayonlarda qiymət azalması davamlı olarsa, o zaman Bakıda qiymətlərin azalmasını gözləmək mümkündür".
V. Bayramov sonda əlavə edib ki, digər kənd təsərrüfatı məhsullarının qiymətlərində ucuzlaşma yoxdur.
Mənbə: Milli.Az
Bənzər xəbərlər...
XƏBƏR LENTİ
Dünya bazarında neftin qiyməti
Paytaxt avtobuslarında yeni sistem
I Avropa Oyunları tarixə qızıl hərflərlə yazılacaq
Bədəni və zehni rahatladan üsullar
İçimizə atdıqlarımız və içindən çıxa bilmədiklərimiz
Hadisenin bacısı hər kəsi TƏƏCCÜBLƏNDİRDİ-FOTO
Təmr haqqında gələn xəbərlər
Geyimə uyğun çanta
Vanqanın dedikləri gerçəkləşir?
26 il Qubadlısız...
Sinoptiklər xəbərdarlıq edirlər: Azərbaycanda temperatur yüksələcək, ancaq...
Kürəyə taxılan çantalar
Yer üçün təhlükə: sentyabrın 1-də...
Azərbaycanlı tələbələrdən BMT-yə mesaj
Bakıda yağış gözlənilir
Qoşulmama hərəkatı Azərbaycanla həmrəy olduğunu açıqladı
Muncuqdan bilərziklər
Seçkiyə hazırıqmı?
Merkel və Sarkisyan görüşdü
Vyetnamda qalan mərmilərin məişətdə istifadəsi
Yapon rəssamın 3D heyvanları
Ebola virusunu aşkar edən alim: “Yeni ölümcül xəstəlik yaranacaq”
Google əvəz axtarır
Rədd edilən eşq
Məhkəmədən Demetə pis xəbər
Daha bir yüksək rütbəli işğalçı məhv edildi - RƏSMİ
Instagram-da yeni funksiya
Kimlərin təqaüdü artıq olacaq?
Diş itkisinin qarşısını necə almalı?
Dişlərə zərər verən qidalar
Dəb dünyasının yeni rəngi: Neon
Qalmaqallı prezident bu ölkəyə gedir
Azərbaycanlıların yaşadığı yataqxanaya hücum olub
Azerbaijan Fashion Week 2017/2018 keçiriləcək
Buxağın sallanma səbəbləri
Mövlud Çavuşoğlu Bakıya gəlir
ÜST: “Koronavirusun müalicəsində parasetamoldan istifadə edin”
Komendant saatında saxlanılan şəxsləri nə gözləyir? - VİDEO
“Yoluxmuş şəxslərin evlərini tərk etməsi düzgün deyil” - AÇIQLAMA
Azərbaycanda koronavirusa yoluxma ən çox bu ərazilərdədir - SİYAHI
“Facebook” ikinci xəbər lenti yaratmayacaq
Prezident əsgərlərə hədik payladı
Əsgərlərimiz Türkiyəyə gedir
Orta məktəblər və bağçalarda qidalanmaya ciddi nəzarət ediləcək
Fındıq qabığındakı möcüzə
Göydən düşən balıq qəzaya səbəb oldu
Bakıdan sərt addım: Alman səfir nazirliyə çağırıldı
Qarabağda müharibə faciəyə səbəb ola bilər
Azərbaycanda insan ömrünün uzadılması ilə məşğul olacaqlar
BÜRCLƏR bizə nə vəd edir? - 12 MAY
- ŞƏRHLƏR