Artıq qış sərt üzünü yavaş-yavaş göstərməyə başlayır. Hidrometeoroloqlar xəbər verirlər ki, qarşıda bizi qar, yağış, çovğun, ümumiyyətlə sərt qış gözləyir. Lakin qış fəsli ölkəmizə özü ilə bərabər bir çox problemləri də gətirir. Xatırladaq ki, 2012-ci ilin qışı Bakı üçün səciyyəvi olmayan qar bolluğu ilə müşayiət olundu. Bu isə paytaxtın nəqliyyat strukturlarının hazırlığını ciddi sınağa çəkdi. Xüsusilə yolların buz olması səbəbi ilə yaranan avtomobil qəzaları, tıxaclar şəhəri iflic vəziyyətinə salmışdı. Əhalinin yollarda çəkdiyi əziyyəti hamımız görmüşdük. Hətta yol-istismar idarəsinin bir neçə qum səpən maşını da yollarda buzlaşmanın qarşısını ala bilməmiş, yollarda sürüşən avtomobillər nəticəsində onlarla qəza baş vermişdi. Bəs bu il ölkə ərazisində qışa hazırlıq necə gedir? Qışın gəlməsi ilə bağlı yollarda hər hansı tədbirlər görülürmü? Ümumiyyətlə, yollarımız qışa hazırdırmı?
“Yollar qışa tam hazırdır”
“Azeryolservis” ASC-nin mətbuat xidmətinin rəhbəri Pünhan Mürsəliyevqəzetimizə açıqlamasında yollarda görülən tədbirlər haqqında məlumat verdi. Onun sözlərinə görə, ASC avqust-sentyabr aylarından etibarən qışa hazırlıqla bağlı işlərə başlayıblar: “Avtomobil yollarında nəqliyyatın sutka ərzində fasiləsiz və təhlükəsiz hərəkətini təmin etmək məqsədi ilə ASC tərəfindən əmr hazırlanaraq aidiyyəti yol istismar müəssisələrinə göndərilib. Yol istismar müəssisələri tərəfindən əmrin icrası ilə bağlı tədbirlər planı hazırlanaraq müvafiq işlərin görülməsinə başlanılıb. Hər bir yol istismar müəssisəsində 24 saat işləyən növbətçi briqadalar yaradılıb. Həmçinin “Azəryolservis”də qərargah yaradılıb, 24 saat ərzində növbətçilik təşkil olunub”.
Qarlı-şaxtalı hava şəraitində yollarda yarana biləcək problemlərin aradan qaldırılması məqsədilə qabaqlayıcı tədbirlərin görüldüyünü deyən mətbuat katibi bildirib ki, onların nəzarətində olan yollar qışa tam hazırdır: “Bizim tərəfimizdən avtomobil yollarına mütəmadi baxış keçirilir, yollardakı problemlər aradan qaldırılır, material ehtiyatı (texniki duz, qum, yanacaq və s.), yol texnikası, maşın-mexanizmlər və nəqliyyat vasitələri saz vəziyyətə gətirilir, işçilər xüsusi geyim forması ilə təmin olunur. Yarana biləcək problemlərin aradan qaldırılması üçün kifayət qədər işçi qüvvəsi, texnika mövcuddur. Biz öz xidmət etdiyimiz avtomobil yollarında hansısa problem yaranarsa kifayət qədər işçi qüvvəsini ora göndərəcəyik. “Azəryolservis”də yaradılmış qərargah bu istiqamətdə həyata keçirilən tədbirləri, görülən işləri nəzarətə götürüb”.
Qış qarajının fəaliyyəti
P.Mürsəliyev həmçinin keçən il istifadəyə verilən qış qarajı haqqında da məlumat verdi: “Həmin kompleksə inzibati bina, işçilərin istirahət yeri, qum və texniki duzun saxlanılması üçün anbar eləcə də maşın və mexanizmlər üçün xüsusi yer və s. daxildir. Bütövlükdə həmin sahə işıqlandırma sistemi ilə təchiz edilib. Həmin ərazidə də 24 saat ərzində fəaliyyət göstərən növbətçi briqadalar var. Bu qarajda texnika maşın mexanizminin saxlanması üçün yer, qumların saxlanması məqsədi ilə anbar, işçilərin istirahəti üçün də xüsusi yer ayrılıb. Əgər qəfil qar yağarsa, sutkalıq iş rejiminə keçilir, qərargah qış qarajına köçürülür. Orada rabitədən azuqəyədək bütün ehtiyatlar nəzərdə tutulub, yollara səpmək üçün 1 həftəlik qum və duz ehtiyatı tədarük edilib”.
Qışda yaranan problemlər
Azərbaycan Texniki Universitetin “Avtomobil nəqliyyatı vasitələri” kafedrasının müdiri Sülhəddin Gözəlov bizimlə söhbətində qışda nəqliyyatda yarana biləcək problemlər haqqında məlumat verdi:
“Qış fəslinin sərt keçməsi avtomobil nəqliyyatı üçün təbii ki, problemlər yaradır. Bu obyektiv problemlərdir, bizdən asılı olmur. Bu da xüsusi ilə yolların örtüyünün müəyyən qədər təhlükəli vəziyyətə gəlməsi yəni asfalt örtüyü və təkər arasındakı ilişmənin zəifləməsi, ilişmə əmsalının aşağı olması, avtomobillərin tormozlanma, idarə olunma xüsusiyyətlərini çətinləşdirir. Qış mövsümündə yağıntı, duman, çiskin çox olduğundan sürücünün görmə qabiliyyəti məhdudlaşır. Bu da sürücü üçün ikinci bir təhlükədir. Ən başlıca və mürəkkəb çətinliklərdən biri isə avtomobilin özünün konstruksiyasında müəyyən problemlərin yaranmasıdır. Qışda ümumi götürdükdə bütün faktorlar sürücünün əleyhinə işləyir. Ona görə də nəqliyyat kompleksini idarə edilənlər tərəfindən qabaqlayıcı tədbirlər görülməlidir”.
Sürücülər nə etsinlər?
Sürücülərə məsləhət verən nəqliyyat üzrə ekspert vurğuladı ki, qışda qəzalardan qorunmağın ən yaxşı yolu təcrübəsiz sürücülərin avtomobillərdən istifadə etməməsidir: “Sürücü ilk növbədə öz avtomobilini qışa hazırlamalıdır. O ilk öncə təkərlərdən başlamalıdır. Qış mövsümünə uyğun olan təkərlərdən, istismar materiallarından istifadə etməlidir. Lazım olan keyfiyyətli yağı, texniki mayeni, hətta təkərlərdəki təzyiqə qədər avtomobilini uyğun vəziyyətə salmalıdır. Yola qulluq edənlər isə yolu daima təmiz vəziyyətdə saxlamalı, yol örtüyündə ilişmə əmsalını yüksəltmək üçün müəyyən tədbirlər görməlidir. Qarı əritmək üçün yerə müəyyən materiallar səpilməli, yol nişanları vaxtlı-vaxtında təmizlənməlidir. Xüsusilə svetoforlar daim işlək vəziyyətdə olmalıdır. Qarlı, çovğun olan havalarda qəzalardan qorunmağın ən yaxşı yolu isə çətin sürmə şəraiti olan yollarda təcrübəsiz sürücülər avtomobillərindən istifadə etməsin”.
DYP-dən xəbərdarlıq
Qeyd edək ki, Azərbaycan yol polisi qış aylarında yollarda meydana gələ biləcək yol qəzaları və müxtəlif xoşagəlməz halların qarşısının alınması məqsədilə sürücülərə xəbərdarlıq edib. Daxili İşlər Nazirliyinin Respublika Baş Dövlət Yol Polisi İdarəsinin (BDYPİ) ictimaiyyətlə əlaqələr şöbəsinin rəisi, polis polkovniki Kamran Əliyev trend-ə bildirib ki, qış mövsümünün başlaması ilə əlaqədar sürücülər və avtomobil sahibləri nəqliyyat vasitələrinin texniki vəziyyətinə, avtomobillərin şinlərinə diqqət yetirməlidirlər. DYP xəbərdarlıq edir ki, avtomobil şinləri protektorundakı naxışların qalmış hündürlüyü müəyyən olunmuş normalara cavab verməlidir. Belə ki, minik avtomobilləri üçün şinlərin protektorlarındakı naxışların qalmış hündürlüyü 1,6 mm, yük avtomobillərində 1 mm, avtobuslarda 2 mm, motosiklet və mopedlərdə isə 0,8 mm-dən az olmamalıdır. Həmçinin eyni ox üzrə müxtəlif naxışlı şinlərdən istifadə olunmamalıdır. Bu normalar gözlənilmədikdə həmin nəqliyyat vasitələrinin istismarı qadağan olunacaq və idarəetmədən kənarlaşdırılacaq.
Mənbə: Milli.Az
XƏBƏR LENTİ
15 nəfəri xilas edən müsəlmana “Legion” ordeni verilə bilər
Mərmər çizkeyk (Foto resept)
Qeyri-adi mimikaları olan heyvanlar
İsrail bəşəriyyətə qarşı cinayət törədib?
Bülent Ersoy "donuz qripi"nə yoluxub: dəqiqləşdi
"Tibbi sığorta haqqında qanun"da nələr dəyişməlidir?
Kendal Cenner Mayamidə diqqət çəkdi-FOTO
Ətli çörək (foto resept)
Kabaklı keks (foto resept)
Toyda ehtiyacınız olacaq əşyalar
İslamı qəbul edib şahzadə ilə evləndi - FOTO
İcaze.e-gov.az portalından qeydiyyatdan keçənlərin NƏZƏRİNƏ - VİDEO
Məşhur aktyor müxbirlərə silah tuşladı-FOTO
Gözəlliyin 10 sirri
Azərbaycan millisi ilk qələbəsinə doğru
Əlinizin altındakı sağlamlıq və gözəllik eleksiri
Evdə saç rezini hazırlamağın yolu (özün düzəlt)
Nərgiz Cəlilova yeni imicdə-FOTO
Ajda Pekan Sevil Əliyevanın mahnısını oxuyacaq
Hillari Klinton: "Putin çox dikbaş adamdır"
TƏBİB rəsmisi: “Yenidən qapanmalara getmək istəmiriksə, təlimatlara riayət etməliyik”
Rusiyada Federal Miqrasiya Xidməti İdarəsinin yeddi regional rəhbəri vəzifəsindən azad edilib
Yeni peyvəndlər bəşəriyyətin pandemiyadan xilası olacaqmı? - ELMİ RƏYLƏR
Nazir mobil telefon söhbətinə son qoydu
Məşhur bloger 160 illik evini göstərdi-FOTO
İmmuniteti gücləndirmək üçün bu salatı yeyin.
Elmar Hüseynovun qətlindən 11 il keçir
Hamilə xanımların diqqətinə...
Ətirdən istifadə
Gözümüzü pula qurban verməyək...
Göbələkli toyuq basdırması (foto resept)
Azərbaycanda benzinin qiymətində dəyişiklik gözlənilirmi?
15 yaşlı rəssam
Günün ulduz falı - 25.01.2014
ABŞ-da Zika virusu daşıyıcıları artıb
Öd kisəsi əməliyyatından sonrakı həyat
Belə muzey dünyada ilk dəfə açıldı
Mehriban Əliyeva uşaq müəssisələrində olub
Böhran haqqında hər şey!
Bakı-Sumqayıt qatarı bu gün işə düşür
Aktual xəbərləri necə hazırlamalı?
Valideynlərə XƏBƏRDARLIQ
DİM abituriyentlərə daha bir şans verdi
Hücuma keçən düşmənə sarsıdıcı zərbə: Canlı qüvvə, sığınacaq və çox sayda texnika məhv edildi - RƏSMİ
Səni sevmək əzabımmış...
Dadlı badımcan ikrası (foto resept)
Onlar Harry Potter üslubunda toy etdilər!
Şvarseneger avtomobilini 2,5 milyon dollara satdı
Kartof qəlyanaltısı (foto resept)
Hindistanda üçüncü cinsin nümayəndələri - FOTOSESSİYA
- ŞƏRHLƏR