Nissan Patrol yolsuzluq maşını ən ağır obyekti yedəkləməyi bacarmış seriya model kimi Ginnesin rekordlar kitabına düşdü. Patrol 170,9 ton (metr sistemində 155 ton) ağırlığında tam yüklənmiş və yanacaqla doldurulmuş IL-76 yük təyyarəsini arxasınca 50 metrdən artıq məsafəyə çəkib apara bilib. Rekord Birləşmiş Ərəb Əmirliklərində Şarca şəhərinin aeroportunda müəyyən edilib.
Milli.Az 4charx.com-a istinadən bildirir ki, rekordu qırmaq üçün Patrol-un aldığı yeganə yenilik yedək ilməsi olub. Qalan heç bir şeydə yolsuzluq avomobilində heç bir yenilik olmayıb. O, yeddi diapazonlu avtomat ötürmə qutusu və 400-güclü 5,6 litrlik V8 standart benzin mühərriki ilə təchiz edilib.
2007-ci ildə V10 dizel mühərrikiylə Volkswagen Touareg yolsuzluq avtomobili ilə təyin edilmiş əvvəlki rekord Patrol tərəfindən 15 tondan çox yaxşılaşdırıb. Alman modeli o zaman yedəyinə 155 tonluq (metr sistemində 140 ton) Boeing 747 təyyarəsini almışdı. O zaman şinlərin yerlə birləşməsini kifayət dərəcədə təmin etmək üçün Tuareq-ə 4345 kiloqram əlavə yük yükləmək lazım olmuşdu.
Mənbə: Milli.Az
XƏBƏR LENTİ
- ŞƏRHLƏR