![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Saçları neçə yaşından rəngləmək məsləhətdir?
Əvvəllər saç rəngindən daha çox 30-50 yaşarası qadınlar istifadə edirdilər (ağarmış saçları gizlətmək və ya dəbə uyğun olaraq özlərini sarışın etmək üçün). İndi isə saçların təbii rəngini dəyişmək istəyənlərin sayı artıb - yaş seqmenti 14-70 yaşarası genişlənib. Bəzi qızlar 10-12 yaşlarından saçlarına xına qoymağa başlayırlar. Düzdür, xına saçlar üçün çox xeyirlidir. Lakin ondan tez-tez istifadə etdikdə saçın parlaqlığı itir. Cavan qızlar saçlarını ton verən vasitələrlə rəngləsələr yaxşıdır. Bu vasitələr saçlar üçün ziyanlı deyil, onların tərkibində ammonyak və hidrogen peroksidi olmur. Daha qalıcı rəngləməni 14 yaşdan tez etmək məsləhət deyil.
Xına saça qulluq üçün ən yaxşı vasitədir
Xına saçı daha parlaq və yatımlı (sözəbaxan) edir. Xına korlanmış və rənglənməmiş saçları daha gözəl edir, kimyəvi burulmuş saçlar üçün isə işə yaramır. Xınadan sonra bir müddət kimyəvi burma etmək olmaz. Rəngləmə prosesi təxminən 1,5-2 saat çəkir. Fenin köməyilə rənglənmə prosesini sürətləndirə bilərsiniz. Vaxt bitəndən sonra saçlarınızı yaxşıca yuyun. Su tam təmiz olana kimi saçlarınızı yaxalayın. Rənglənmədən sonra saçlar sağlam, parlaq olacaq. Xına vasitəsilə demək olar ki, bütün dəbli rəng çalarlarını əldə etmək olar, alovlu-kürəndən tutmuş, açıq-şabalıdıya qədər. Ayda iki dəfədən artıq başınıza xına qoymayın. Müntəzəm istifadədən əks təsir yaranır: saçlar sönükləşir.
Saçlara olmaz
Olmaz- sellofan salmaq. Saçı rəngləyəndən sonra başınıza sellofan salmayın. Saçlar hava almalıdır. Əks halda siz həm saçların diblərini, həm də başınızın dərisini yandıra bilərsiniz. Sellofandan yalnız təbii vasitələrin (xına, basma) istifadəsində yararlanın.
Olmaz- çox rəng vurmaq və çox saxlamaq. Birincisi, saçlarınıza təhlükəlidir, boyanı saxlamaqla saçlarınızı quru və kövrək edəcəksiniz. İkincisi, həm saçlara, həm də cibinizə ziyandır.
Olmaz- hamiləlik və aybaşı zamanı saçları rəngləmək. Belə ki, bu vaxt orqanizmdə hormonal dəyişikliklər baş verir və bu, saçların təbii piqmentasiyasının dəyişməsinə səbəb olur. Əvvəllər saç boyalarından problemsiz istifadə etməyinizə baxmayaraq, hazırda rənglərin tərkibində olan kimyəvi maddələr allergiya əmələ gətirə bilər. Bundan başqa, siz istədiyiniz nəticəni ala bilməyəcəksiniz.
Olmaz- kimyəvi burmadan sonra saçı rəngləmək. Kimyəvi burma ilə rəngləmə arasından ən azı 2 həftə vaxt keçməlidir.
Sarışın
Hidrogen peroksidi saçı ağardan ən məşhur vasitələrdəndir.
Məhlul nə qədər çox olarsa, rəngsizləşdirmə prosesi də bir o qədər güclü olar. Əgər siz sarışın olmağa qərar vermisinizsə, saçlarınızı əsl stress gözləyir. Saçlar dibindən uclarına kimi ağarır. Ən çox istifadə olunan hidrogen peroksidi digərləri kimi saçı qurudur və saçın zülallarına güclü təsir edir. Saçlar daha məsaməli olur, tez çirklənir, nəticədə tez-tez yuyulur, bu da rənglənmiş saçlara pis təsir göstərir. Ev şəraitində saçların rəngini açmaq istəsəniz baldan istifadə edin: əvvəlcə saçlarınızı təmiz yuyub qurudun, sonra balı sürtüb 8-10 saat saxlayın. Bal saçların rəngini açmaqla yanaşı, onları həm bərkidir, həm də bərpa edir.
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]