Şabalıd təmizlənməsi qaydaları
86 608
33
Şabalıd Azərbaycan milli mətbəxinin əvəzedilməz məhsullarından biridir.
Süfrələrimizin tacı plovlarda çox zaman istifadə olunur.
Əvvəlcə şabalıdı alarkən necə seçilməsi haqda:
Şabalıdı seçərkən rənglərinin canlı və sərt olmasına diqqət yetirmək lazımdır. Digər tərəfdən, şabalıdın üzərindəki ləkələrə fikir verin. Digərlərindən daha tündrəngli və ya pis qoxulu şabalıdlardan isə istifadə etməyin.
Şabalıdı asan təmizləmənin bir neçə yolu vardır:
Şabalıdları iti bıçağın ucu ilə üst tərəfdən “x” şəklində çərtin və 1 saat soyuq suda saxlayın. Sonra şabalıdları qaynayan suya tökərək yarım saat bişirin. 5 dəqiqəyə qədər qazanın üstünü yun parça ilə örtsəniz, şabalıdların dadı daha gözəl olar. Qaynatdığınız suya 2 damcı zeytun yağı əlavə etsəniz, yaxud qaynatdıqdan sonra soyuq sudan keçirsəniz, şabalıd çox tez və asanlıqla soyular.
Ocaq üstündə şabalıd bişirmək istəyirsinizsə, üstünü çərtdikdən sonra 1 saata qədər buzlu və ya soyuq suda saxlayın, onda daha tez bişəcək.
Şabalıdların qabığını soymanın bir başqa yolu da onları çərtdikdən sonra içərisinə bitki yağı tökülmüş tavada 3 dəqiqə qovrulmasıdır.Qovrulmuş şabalıdlar isti-isti soyuq suya salınır və həmən qabıqdan təmizlənir.
Eləcə də baxa bilərsiniz
XƏBƏR LENTİ
- ŞƏRHLƏR