1. İnsanlara məşğul olduğunuzu deməkdən çəkinməyin
Bir çox insan evdə işləmək xüsusi rejimə ehtiyac olduğunu bilmir. Buna görə də, evdə işləyənlərin həmişə rahat, boş və azad olduğunu düşünə bilirlər. Ona görə də, günlük müəyyənləşdirdiyiniz iş saatlarında məşğul olduğunuzu deməkdən çəkinməyin.
2. İzolasiya olunmuş məkan yaradın
Evdə işləməyin ən çətin tərəfi isti yatağa və ya divana uzanmamaq üçün mübarizə aparmaqdır. Buna görə də, evdə işləyərkən iradənizi sınağa çəkməyən məkan yaradın. Evdə evin rahatlığından uzaq kiçik ofis yaradın.
3. Masanızın üstündə lazımsız əşyaları saxlamayın
Masanın üstü nə qədər qarışıq olsa da, diqqətiniz o qədər yayınacaq. Buna görə də, masanızın üstündə az əşya olmasına diqqət edin.
4. Hər səhər oyandıqda ofisə gedirmiş kimi hazırlanın
Əgər səhərləri qəhvə içməyə çox vaxt ayırırsınızsa, sosial mediada çox gəzirsinizsə, bundan xilas olmağın tək yolu hər səhər ofisə gedirmiş kimi hazırlanmaqdır. Beyninizə bunun ciddi iş olduğu mesajını verməlisiniz.
5. Bildirişləri söndürün
Evdə işləyərkən sosial media bildirişlərini səssizə alın. Bunu etməsəniz, diqqətiniz tez-tez dağılacaq.
6. Qısa fasilələr verin
İşiniz nə qədər çox olsa da, qısa fasiləyə çıxın. Eyvana çıxıb dərin nəfəs alın. Havaya çıxmaq zehninizi təmizləyəcək.
XƏBƏR LENTİ
- ŞƏRHLƏR