Sən getdin gedəli boşalıb şəhər
Heç cürə açılmaq bilməyir səhər
Bu həyat çətin də olsa mənimçün
Yaşayıb gedirəm onu birtəhər.. ..
Hər səhər yuxudan qalxdığım zaman
Özümə deyirəm bir neçə yalan
Bilirəm sən gələn deyilsən, amma
Başımı qatıram bir ay ya bir an..
...
Sən getdin gedəli getmir izlərin
Qalıb qulağımda hələ sözlərin
Guya ki heç zaman gedən deyildin
Sonacan səninlə qalaram dedin...
Sonluğun tez oldu, görəsən niyə?
Bəlkə də günahkar özüməm elə
Bu qədər dəyəri verməməliydim
Bəlkə də bu üzdən getmisən elə..
...
Vurdu ürəyini verdiyim dəyər
Yığıb çamadanın tərk etdin məni
Arxanca ağlaram düşündün əgər
Bununçün sevmişdim məgər mən səni?
...
Bununçun sevmişdim çıxıb gedəsən?
Səninçün qurduğum bu qəlb evimi
Əlinin tərsiylə yıxıb gedəsən?
Bununçün etmədim mən sakin səni..
...
"Qayıt gəl sevirəm", deyən deyiləm
Qayıtsan əvvəlki olmaram sənə
Daha mən ilk addlm atan deyiləm
Ağılsız olmaram daha mən yenə...
...
Mümkünsə heç gəlmə, pis yaşamıram
Arada yoxluğna şeir yazıram...
Arada gecələr mən ağlayıram..
Şükür ölməmişəm, hələ ki, sağam..
...
Sənə ehtiyacım gedəndə bitdi,
Daha mən ehtiyac duymuram sənə
Demirəm bu ürək hələ sənindi
O qəlbi vermərəm bir daha sənə
Mən daha dönmərəm, sevgilim, sənə...
Olmaram bir daha ağılsız yenə...
Əhəd Əhədli
XƏBƏR LENTİ
