Tərkibi:
350 qram badımcan
xəmir üçün;
1 su st qarğıdalı nişastası
1/3 su st Hindistan qozu unu
1/4 ç/q duz
1/2 su st Hindistan qozu südü
1/4 su st kərə yağı
1/4 su st su
3 diş sarımsaq (əzilmiş
1 yumurta
Üstü üçün;
2 y/q balzamik sirkəsi
1 su st doğranmış pomidor
2 su st ispanaq
1 su st qoyun və keçi pendiri
Kəklikotu, bibər və reyhan
Hazırlanması
İlk öncə sobanı 200 dərəcədə isidin. Sonra badımcanları incə-incə dilimləyin və yağlı kağız sərdiyiniz soba listinə düzün. Üzərinə duz səpin və biraz zeytun yağı gəzdirib sobaya qoyun və badımcanları 5-7 dəqiqə bişirin.
Daha sonra orta boy qaba nişasta, hindistan qozu unu və duzu əlavə edib qarışdırın. Kiçik tavaya hindistan qozu südünü, kərə yağını, su və sarımsağı əlavə edib isidin. Daha sonra südlü qarışımı, unlu qarşıma əlavə edin və qarışımı soyumağa qoyun.
Sonra yumurtanı çırpın və xəmirə əlavə edib yaxşıca qarışdırın. Daha sonra qarışımı 10 dəqiqə qırağa qoyun.
Pizzanı qoyacağınız servis qabı boyda yağlı kağız kəsib, üzərinə xəmiri incə bir təbəqə halında yayın.
Daha sonra badımcan dilimlərini üzərinə, fırça yardımı ilə balzamik sirkə çəkin. Sonra ispanaq, pomidor və pendiri üzərinə əlavə edin. Xəmiri soba listinə əlavə edib, 15 dəqiqə pendir əriyənə və xəmir qabarıq olana qədər bişirin. Pomidorlar yumşalmalıdır.
Nuş olsun!
XƏBƏR LENTİ
- ŞƏRHLƏR