Soyuqqanlı Taleh şəhərə çatdı. Tələsik nişanlısını təhlükəsiz, heç kəsin ağlına gəlməyən ünvanda gizlətdi. Hələ heç kəsin görmədiyi maşınına sursatlarını, silahlarını yerləşdirdi. Silahların çoxu sənədsiz idi. Dostu, yol patrulu olan əsgər yoldaşından kömək istəməyə qərar verdi. İndi "tək əldən səs çıxmayacaqdı..."
Xaricdə əyləncədə olan icra başçısı qızının zəngindən nigaran halda geri qayıtmışdı. Qardaşı da onun yeganə oğlu ilə əlaqə yarada bilmirdi. Maşının son bir meşəlikdə bir neçə saat olduğunu bilirdilər. Oğlunun mühafizəçisinə - Talehə də zəng çatmırdı. Bu nə məsələ idi?... Axşamın alatoranlığında bir neçə silahlı muzdurların, polis işçilərinin müşayəti ilə icra başçısı və qardaşı, polis rəisi meşəlikdəki siqnala tərəf tələsirdilər.
Bu vaxt artıq Taleh də Fərhadın yığdığı keçmiş döyüşçü silahdaşları da "çağrılmamış qonaqları" qarşılamağa hazır idilər. Fərhadın tək bir dərdi vardı, bu polis işçilərinə neçə davranacaqdılar? Nə öldürəsi deyil günahsız polisləri, nə də durdurası...
Meşəyə çatan icra və rəis qardaşlar gurultulu səs eşidib dayandılar. Uca danışandan bu sözləri hamı eşidirdi: "Ey polislər və muzdurlar... Bu əclafın oğlu bir məsum qızı zorlayıb və ölümünə bais olub. Onun mühafizəçisi təslim olmadı, başından oldu. İndi siz də özünüz seçin. Bir əclafa görə ölmək istəmirsinizsə, geri qayıdın.
Amma rəislərinə tabe olan polislər və muzdurlar geri çəkilmədi. Maşının aşdığı yerə yaxınlaşdılar. İndi Fərhad adı dillər əzbəri olan bu icranı və qardaşını yaxından görürdü. Rayona "qan udduran" bu iki qardaş yalquzağa bənzəyirdi. Hərəsi bir neçə keşikçinin dövrəsində aşağı endilər. Tətiklər çəkili idi.
İki atəş eyni anda açıldı. Taleh rəisi, Fərhad isə icra başçısını hədəfə almışdı. Bir qədər qarşı tərəfin polisləri və muzdlu muhafizələri atışsalar da geri çəkilməyə başladılar. Hər ikisi hədəfini dəqiq vurmuşdu. Artıq qan tökülmədi. İki azğın elə burdaca cəzasını aldı. Meyitləri maşınlara qoyub, meşədən uzaqlaşdılar...
Bu hadisədən on-on beş gün keçsə də nə meşəbəyini, nə Talehi itirib axtaran yox idi. Xəbərlərdə də mafiya işi ilə məşğul olan icra və qardaşı, həm də polis rəisinin atışmada öldürüldüyü yazıldı. Vəssalam... Elə oğlanlarının da bu atışmada öldüyünü yazdılar, bununla da bu məsələ bağlandı...
Yeni rəis təyin olunmuşdu, icra başçısı təsdiq olmasa da... Meşəbəyiyə xəbər göndərdilər, başsağlığı... Dedilər "nə sənin, nə bizim bu məslədən xəbərimiz yoxdu, söhbət bağlandı"....
İndi bu rayonda sakitlikdir, meşəbyi və köməkçisi Taleh birgə "xüsusi hazırlıq məktəbi" açıblar. Gənclərə özünü müdafiənin sirlərini öyrədirlər...
Hərdən Həcərin qəbrini Talehlə birgə ziyarətə gələn Fərhad isə bu həyatda yalnız bir sözünü tutmayacağını etiraf elədi, "əzizim,səni öldürəni öldürməyəcəm, bağışla..."
Son
XƏBƏR LENTİ
- ŞƏRHLƏR