Tərkibi:
1 su stəkanı süd
3 su stəkanı süd
2 yumurta sarısı
3 yemək qaşığı un
3 yemək qaşığı şəkər
1 yemək qaşığı nişasta
1 yemək qaşığı kərə yağı
1 paket vanil
Şokaladlı sos:
Hazırlanması:
Əvvəlcə biskvitlər ayrı-ayrı qablara qoyulur.
Sonra biskvitləri islatmaq üçün 1 su stəkanı süd geniş bir kasaya tökülür.
Və yemək qaşığı ilə biskvitlər ikisi də eyni miqdarda yavaş-yavaş isladılmağa başlanır.
Tort üçün kremi ev üsulunda hazırlayırıq.Bunun üçün tərkibdə göstərilən vəsaitlərdən un,şəkər,nişasta krem bişirəcəyimiz qaba qoyulur.
Yumurta sarısını isə bu qarışımın üzərinə tökməyə tələsməyin,əvvəlcə onu krem tərkibində
göstərilən bir miqdar südlə çırpın,daha sonra un,şəkər,nişasta qarışımına əlavə edin.
Kremi bişirmək üçün orta atəş üzərinə alın.Yavaş-yavaş plastik çırpıcı ilə qarışdırın.
Niyə şırpıcı ilə,belə olanda kremin tərkibi topaclanmır.Kremin bişməsini qaynamağa başlamasından anlayacaqsınız.
Krem bişdikdən sonra içərisinə kərə yağı və vanil qoyub qarışdırırıq və ocağın üstündən alıb başqa yerə qoyuruq.
Qeyd: Krem soyumağa buraxıldıqda unutmadan tez-tez qarışdırın ki, qaymaq bağlamasın.
Ev üsulu şirniyyat kremi
Tam soyumamış,ilıq kremi biskvitlərdən birinin üzərinə çəkirik.
Bir tərəfdən də bananları soyub,halqa-halqa doğrayırıq və səliqə ilə biskvitlərdən birinin üzərinə düzürük.
Sonra digər islaq biskvit bananlar düzüllmüş biskvitin üzərinə ehmallıca örtülür və onun da üzərinə kremin qalanı da çəkilir.
İndi isə növbə gəldi şokalad sosunun hazırlanmasına:
Şəkildə gördüyünüz Ülker markalı İçim şokalad sosunun hazırlanması üçün 2,5 stəkan süd lazımdır.
Bişirmə qaydası çox asandır,paketin içindəki tozu südlə çırpıb orta atəşli ocaqda bişirmək lazımdır.
Şokalad sosu da soyuduqdan sonra ağ kremin üzərindən çəkməyə başlayırsınız.
Sonra tortun üzərini zövqünüzə görə bəzəyə bilərsiniz.Bu sos qatı olmadığı üçün üzərinə elə banan halqaları qoydum.
Beləliklə 1 yaş tortumuz hazırdır.
Alpay bəbək doğum günü tortunu yeməkdən daha çox üstünə-başına yaxmaq nədir,onu yoxlamış oldu və yuyunmaq üçün bəhanəsi oldu.
Çünki,yuyunmaq onun ən sevimli məşğuliyyətidir. 
XƏBƏR LENTİ
- ŞƏRHLƏR