Tərkibi:
Xəmir mayasını hazırlamaq üçün:
Yarım st. ilıq süd
1 x.q. quru maya
1 x.q. şəkər tozu
3 x.q. un
Bir az duz.
Ərzaqları qarışdırırıq və isti bir yerə qoyuruq, 1 saat mayalanır.
Xəmir üçün:
5-6 st. un
4 ədəd yumurta (otaq temperaturunda)
1 st. ilıq süd
100-150 qr yumşalmış "Wellington" kərə yağı
1 x.q. şəkər tozu
3-4 x.q. kakao
Vanil
İçi üçün:
200 qr. kəsmik
200 qr. şəkər tozu
100 qr.un
1 banan (sürtkəcdən keçirilmiş)
Qoz
Kişmiş
Üzəri üçün:
Yumurta
"Wellington" əridilmiş kərə yağı
Küncüt
Hazırlanması:
Əvvəl yumurta və yumşalmış yağı əlimizlə qarışdırırıq.
Sonra südü əlavə edib yenidən qarışdırırıq.
Hazır qarışığı mayanın üzərinə əlavə edirik. Sonra un, şəkər tozu, vanil və kakaonu əlavə edib xəmir yoğururuq.
Xəmirin üzərini bağlayırıq, saat yarım mayalanmağa qoyuruq.
Mayalandıqdan sonra 25 kündəyə bölürük.
İçini hazırlamaq üçün kəsmik, şəkər tozu, un, kişmiş, banan və qozu qarışdırırıq.
Bulkalara istədiymiz forma verə bilərik. Kündəni yayırıq, içinə hazır içlikdən qoyuruq ay və sadə formaya salırıq.
Üzərinə yumurta vurub küncüt səpirik, 180 dərəcəlik sobada bişririk.
Kakaolu zəngin tərkibli bulkalar hazırdır.
Nuş olsun!
XƏBƏR LENTİ
- ŞƏRHLƏR