![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
“Bezginlik!” Görəsən belə bir söz varmı Azərbaycan leksikonunda? Bəlkə də yox. Niyə bu yerə qədər heç bir kəsin ağlına gəlməyib bu söz?! Amma mən bu sözü birdən-birə heç özüm də bilmədən özüm kəşf etdim. Hər necə olursa-olsun, bu hal məndə çox tez-tez baş verir. Bezirəm hər şeydən. Düşmən kəsilirəm məni əhatə edən nə varsa hər şeyə. Ətrafımda hündur sədlər, divarlar çəkilir sanki. Mən də qalıram tək...
Çıxmaq istəyirəm, yarıb keçmək istəyirəm bütün maneələri. Bacarmıram. Bütün haqsızıqları dəf etmək gücünü özümdə tapmadıqda ağlayıram... Dərdlərim, üst-üstə qalaqlanmış nisgilim göz yaşlarımla qəlbimə süzülür. Bir özüm görürəm, bir də Allahım...
“Balaca qara balıq” hekayəsini hələ uşaq ikən oxuyanda o hisslərin hamısını yaşamışdım. İstəmədiyin cəmiyyətdə yaşamağın nə demək olduğu xəfif bir sızıltı tək keçmişdi qəlbimdən o an... Nə biləydim ki, vaxt gələcək, mən də onun yaşadıqlarını yaşayacam istəmədən... Mən də onun kimi kiçik bir gölməçəyə məhkum olmuşam. Elə hey çapalayır, çıxa bilmirəm, çıxmağa can atdıqca daha da dərinə batıram...
Özümlə məni əhatə edən cəmiyyət arasında dərin bir uçurum var. Elə bir uçurum ki bunu mənim kimi tam dəhşətiylə təkcə özüm anlayır və anladıqca daha da əzab çəkirəm. Hərdən mənə elə gəlir ki, bu kabusdan qurtuluş yoxdur. Məhkumam bu həyata. Elə hey təkrarlardanmı ibarətdir mənim həyatım?!
Bütün təbii proseslərdə özümə uyğun nəsə tapıb kədərlənirəm. Saxta təriflər, şit söhbətlər eşidib əriyirəm.Yaşımın üstünə yaş gəldikcə yaşamaq mənə daha çətin gəlir....
Kaş bir dəniz sahilində olaydım... doyunca hönkürərdim... Tökərdim illərin nisgilini qəlbimdən... Dalğaların səsi səsimə qarışıb gizlədərdi hıçqırtımı... Bir dağ yamacında olaydım... Qışqırardım səsim çatdığı qədər... Səsim qayalara çırpılıb əks-səda ilə ətrafa yayılardı...
Elə vaxtlar da olur ki, birdən buludlar səmadan çəkilir, bayaqkı qalın divarlar yıxılır, mən xilas oluram. Bəlkə də bu bir xəyaldır, amma ümidim varsa, demək hələ yaşayıram. Kim bilir bəlkə də... bu mən deyiləm, ruhumun harayıdır... ”Bezginlik hallarım”ın qəlbimdə iz salmış acı xatirəsi...
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]