"Binalar mühafizə altındadır. Bu hadisənin terror aktı olma ehtimalı da Daxili İşlər Nazirliyi, Fövqəladə Hallar Nazirliyi tərəfindən araşdırılır".
ANS PRESS-in məlumatına görə, bunu Bakı Şəhər İcra Hakimiyyətinin başçısı Hacıbala Abutalıbov "Günə Baxan"a müsahibəsində bildirib. O həmçinin qeyd edib ki, köçürülən yerlərdə hər cür şərait olacaq. "Evlər təmir olunacaq, mebellə təmin olunacaq. İnsanlar yaşamaq istədikləri yeri özləri seçəcək. İstəsələr koteclərdə, istəyənlər isə binalarda mənzillərlə təmin olunacaq. Onların övladları istədikləri məktəbə gedəcəklər və onlar məktəbə xüsusi avtobuslarla aparılıb gətiriləcək", - deyə icra başçısı bildirib.
Hacıbala Abutalıbov binaların üzlənməsi haqqında suala da cavab verib. Onun sözlərinə görə, binaların üzlənməsi haqqında qərar qəbul ediləcək. "Əgər yanğına səbəb məhz həmin material olarsa, bu zaman binaların həmin materialla üzlənməsi dayandırılacaq və onlar söküləcək. Onun əvəzinə yanmayan material, üzlük, ağ daşlardan istifadə ediləcək. Buna da yenə komissiya qərar verəcək. Əgər terror ehtimalı doğru çıxsa, yaxud da yanma səbəbi başqa olsa üzlüklər sökülməyəcək".
Mənbə: ANS PRESS
XƏBƏR LENTİ
- ŞƏRHLƏR