Şuşa xanəndəlik məktəbinin ən parlaq nümayəndəsi, Cabbar Qaryağdıoğlunun “Şərq musiqisinin incisi” adlandırdığı Seyid Şuşinski 1889-cu ilin bu günü Füzuli rayonunun Horadiz kəndində anadan olub. Uşaqkən valideynlərini itirən Seyid xanəndə olan xalası Məşədi Hürzadın himayəsində böyüyür. Seyidin peşəkar xanəndə kimi yetişməsində Şuşa mühitinin həlledici rolu olub.
Milli.Az-ın anspress-ə istinadən məlumatına görə, xanəndəlik sənətinin sirlərini Cabbar Qaryağdıoğludan öyrənən Seyid Şuşinski 1907-ci ildə Şuşada M. M. Nəvvabın musiqi məktəbində təhsil alıb. 1913 və 1914-cü illərdə “Ekstrafon” aksioner cəmiyyəti tərəfindən Kiyevdə onun ifasında bir sıra muğamlar vala yazılıb. S.Şuşinski 1919-cu ildən Bakıda yaşayıb, fəhlə klublarında konsertlər verib, teatr tamaşalarında, konsertlərdə çıxış edib.
Seyid Şuşinski ictimai-siyasi mövzuda olan “Ayıl, ey millət”, “Mən bir türkəm”, “Millət istərsə” və s. şeir və qəzəlləri ilə xalqı mübarizəyə çağıran ilk xanəndə olub.
Daha sonra Tiflisdə fəaliyyət göstərmiş Seyid Şuşinski xanəndəlik sənətini daha da təkmilləşdirib, bədii zövqü və səhnə ustalığı formalaşmışdı. Onun oxuduğu “Çahargah”, “Hümayun”, “Rast”, “Mahur”, "Zabul", “Şahnaz”, “Mirzə Hüseyn seygahı” muğamları, “Mani”, “Arazbarı”, “Mənsuriyyə” zərbi muğamları musiqi xəzinəmizdə bəzərsiz sənət əsərləri kimi özünəməxsus yer alıb.
1926-cı ildə Üzeyir Hacıbəyovun təşəbbüsü ilə Azərbaycan Dövlət Konservatoriyasında, sonra isə Azərbaycan Dövlət Musiqi Məktəbində muğam sinifində müəllimlik etməyə başlayır. 1939-1960-cı illərdə Azərbaycan Dövlət Filarmoniyasının və Azərbaycan Radiosunun solisti olub, ömrünün son illərində isə Opera və Balet Teatrında muğam operaları üzrə məsləhətçi işləyib.
O, bir çox muğamlara yeni guşələr əlavə edir, bir çox muğamları birləşdirib oxuyur. Bunlardan “Rast-Hümayun”, “Qatar-Bayatı”, “Şur-Şahnaz” dəstgahları diqqətə layiqdir. Seyid Şuşinskinin görkəmli bəstəkarımız Fikrət Əmirovun ilk dəfə yaratdığı və dünyada şöhrət qazandığı “Şur” və “Kürd-Ovşarı” simfonik muğamlarının yazılmasında da məsləhətçi kimi böyük köməyi olub.
O 1956-cı ildə xalq artisti,1961-ci ildə isə əməkdar müəllim adlarına layiq görülüb. Lakin bu qədər hörmətə, şan-şöhrətə malik, sənətin zirvəsinə qalxan Seyid Şuşinskinin son günlərində qayğısına qalan yalnız tələbələri idi. Müğənnilərdən H. Rzayeva, Y. Kələntərli, Ə. Əliyev, R. Muradov, Z. Xanlarova, İ. Rzayev və b. onun yetişdirmələridir. S.Şuşinski 1 oktyabr 1965-ci ildə 76 yaşında dünyasını dəyişib. Xalqın iradəsi ilə onu Fəxri xiyabanda dəfn ediblər.
Mənbə: Milli.Az
XƏBƏR LENTİ
Ağız qoxusunun düşməni-darçın.
1,3 milyon dollarlıq ətir
ASAN-dan onlayn yenilik
Dünyada ilk selfi muzeyi açıldı – FOTO
Həzmi asanlaşdıran 3 çay
Ofisdə işləyənlər idmanla necə məşğul ola bilər?
Yeni müharibə xəbərdarlığı
Xanımlar üçün geyim nümunələri
51 yaşlı qadının dizlərindən çıxanlar HƏKİMLƏRİ ŞOKA SALDI
Dünyanı onlar idarə edir?
Limonlu bisküvit (foto resept)
Hərbi gəmilər Xəzərə çıxarıldı
Noyabr üçün dəbli kombinlər
Mikroblardan qorunaq
McLaren P1-in sirrini açdı
Ermənilər Azərbaycan tərəfə niyə keçirlər?
Bananlı tort (foto resept)
HAVA necə olacaq?
Şokoladlı, qozlu tort (foto resept)
Bakının məşhur marketində iyrənc mənzərə
Düyü dolması
Hindistan qozu yağını istifadə edə biləcəyiniz 3 hal
Selena Qomezin gündəlik tərzi
BÜRCLƏR bizə nə vəd edir?-10 Noyabr
AZAL beynəlxalq uçuşlarda əl yükünün daşınması normasını artırdı
"Avro-2016": hansı oyun, hansı kanalda?
Dəbli geyimlər
20 mindən çox şagird üçün son zəng çalınacaq
Saçlarınızı təbii rənginə qovuşdurun
Azərbaycan tarixindən yüz şəxsiyyət-67
Bu 11 qidanı soyuducunun buzluğunda saxlamaq olmaz
Qar yağacaq
Bağırsaqları təmizləyib, arıqladan iki ən asan metod
İki "dəlinin" tutqusu
Suriya əvvəl və sonra
BÜRCLƏR bizə nə vəd edir? - 25 APREL
Fahriye Evcen baldızı ilə mübahisəsindən DANIŞDI
Oxatan və Balıq bürcü uyğunluğu
Meryem Üzerlidən estetik əməliyyat etirafı-FOTO
Polislərə yeni rütbələr verildi
“Kurtlar vadisi” unudulmaz qəhrəmanı ELİFİN SİRR KİMİ HƏYATI ÜZƏ ÇIXDI - FOTO
Təəccübləndirən şəkillər
Azərbaycanda qeyri-adi məktəb
Hər növ çəkili qadına yaraşan geyimlər
Maksim Şevçenko Zəfər paradında iştirak etmək üçün Bakıya gəlir
Türkiyə hərbçiləri Bakıdadırlar
Hamilə modeldən bikinidə - FOTOsessiya
Düşmənin bir neçə hərbi obyekti, texnikası, 20 nəfərdən çox şəxsi heyəti məhv edilib - VİDEO
Dünya çempionatına son vəsiqənin sahibi bəlli oldu
Donlar
- ŞƏRHLƏR