Tərkibi:
100 qr marqarin
3 x.q şəkər
3 ədəd yumurta
150 ml süd
200 qr kəsmik
1 st un
Qabartma tozu
İçlik:
Bişmiş krem:
3 x.q şəkər
1 ədəd yumurta
150 ml süd
1 x.q un
Cem:
Ərik və ya şaftalı
Hazırlanması:
İlk öncə kremi hazırlayırıq. Un, yumurta, şəkər tozu qarışdırılır.
Üzərinə isidilmiş süd əlavə edilir və qazın üzərində qatılaşana qədər mütəmadi olaraq qarışdırılıb, bişirilir.
Xəmiri hazırlamaq üçün yumşaldılmış yağla şəkər tozu mikser vasitəsilə çalınır.
Üzərinə yumurta və kəsmik əlavə edib çalmağa davam edirik.
Süd əlavə olunub mikserlə qarışdırılır.
Un və qabartma tozu da tökülüb, taxta və ya silikon qaşıqla qarışdırılır.
Xəmir hazırdır. Bişiriləcək formanın yarısına qədər xəmir tökülür, üzərinə 1 ç.q cem, onun üzərinə krem əlavə olunub, üzərini yenidən xəmirlə örtürük.
Maffinləri 180 dərəcədə təxminən 40 dəqiqə bişiririk. Və hazırdır.
Nuş olsun.
XƏBƏR LENTİ
- ŞƏRHLƏR