Tərkibi:
300-400 qr toyuq döş əti
250 qr göbələk
0,5 st qarabaşaq
1 ədəd soğan
1 ədəd kök
1 ədəd kəvər (mütləq deyil)
1-2 ədəd dəfnə yarpağı
0,5 dəstə cəfəri və ya şüyüd
Duz, istiot
Duru yağ
Kartof damlası üçün:
2 ədəd kartof
1 ədəd yumurta
3-4 x.q un
Duz
Hazırlanması:
Qazana su və kub şəklində doğranmış toyuğun döş əti əlavə edilib, qaynamağa qoyulur.
Qarabaşaq yuyularaq tavaya əlavə edilib zəif od üzərində quruyana qədər qovrulur.
Göbələk təmizlənib doğranılır.
Göbələk yağda qızardılır. Üzərinə sürtgəcin iri gözündən keçirilmiş kök, xırda doğranmış soğan, duz, istiot əlavə edilərək bir yerdə qızardılır.
Kartof qaynadılıb, qabığı soyulub əzilir ,üzərinə yumurta, duz əlavə edilib qarışıdırılır.
Toyuğun döş ətinin üzərinə qovrulmuş qarabaşaq, dəfnə yarpağı əlavə edilib bişməyə qoyulur.
Qarabaşağın bişməyinə az qalmış kartof püresini çay qaşığı ilə qazana damla kimi edib əlavə edirik.
(şəkildəki kimi)
Üzərinə qızartdığımız göbələyi, soğan, kök qarışığını əlavə edirik, 5 dəqiqə zəif od üzərində hazır olana qədər gözləyib götürürük.
Hazır yeməyin üzərinə xırda doğranmış cəfəri və ya şüyüd əlavə edib süfrəyə veririk.
Nuş olsun!
(Tərcümə edilib)
XƏBƏR LENTİ
- ŞƏRHLƏR