Saçınız, saç dəriniz çox qurudursa və buna görə saç ucları tez-tez qırılırsa, bunu qarşısını almaq, ən azı azaltmaq üçün təbii yağlardan istifadə edə bilərsiniz. Bəzi təbii yağlar saç köklərini gücləndirərkən saç tellərini yumşaldır və saçınızın təbii olaraq parlamasını təmin edir. Zeytun yağı və badam yağı saç baxımında ən çox istifadə edilən yağlar olmasına baxmayaraq jojoba, bibəriyə və lavanta kimi əsəs yağlarla qarışdırıldıqda daha effektli olurlar.
Yağ ilə qulluq etməyə başlamazdan əvvəl saç qırıqlarını kəsdirin, çünki köhnə qırıqların düzəlməsi mümkün deyil.
Jojoba yağı:
Jojoba yağı dəri tərəfindən asan "əmilən" yağdır və saç dərisini yumşaldır, saç tellərini gücləndirərək qırılmağa qarşı möhkəm hala gətirir. Jojoba yağının digər faydası odur ki, saçın dərisi tərəfindən ifraz edilən yağı tarazlayır, saçın gün ərzində həddindən artıq yağlanmasının qarşısını alır.
10 damla jojoba yağı, 4 damla bibəriyə yağı, 5 damla gənəgərçək, 3 damla kokos yağı ilə qarışdırın və barmaq uclarınızla masaj edərək qarışığı saç dərinizə çəkin.
Rozmarin yağı:
Saçın sağlam uzanmasına kömək edən rozmarin yağı qırıqların qarşısını alır və saç köklərini gücləndirir. Bu yağda olan kofein və rozmarin turşusu saça həcm verir və saç dərisini yaxşılaşdıraraq qaşınmanın, quruluğun qarşısını alır.
10 damla rozmarin yağını 4 damla çayağacı yağı, 4 damla adaçayı yağı, 2 damla jojoba yağı ilə qarışdırın və bu qarışıqla saç dərinizə ən az 10 dəqiqə masaj edin.
Güclü qoxusu olan lavanda yağı saçların uzanmasına kömək edərkən saç dərisindəki qan dövranını artıraraq saç köklərinə gedən oksigenin miqdarını da çoxaldır. Oksigenin artması saç köklərini gücləndirir və qırıqların sayını azaldır.
10 damla lavanda yağını 5 damla badam yağı, 4 damla çobanyastığı yağı və 4 damla üzüm çəyirdəyi yağı ilə qarışdıraraq saç dərinizə masaj edə bilərsiniz.
XƏBƏR LENTİ
- ŞƏRHLƏR