Toy gününüzdə özünüzü yaxşı hiss etməyinizi təmin edəcək ən əhəmiyyətli detallardan biri də gəlin saçınızdır. Ürəyinizcə olmayan bir saç modeli bütün gecənizi məhv edə bilər.
Saçlarınızın hər modeldə qəşəng görünüşdə olacağını bilirsiniz. Amma tək bir modelə qərar verməlisiniz. Ağılınızdakı bütün modelləri təyin edin. Sınamaq üçün özünüzə vaxt ayırın. Bu müddət sizə yaraşan saç modelini tapmağa kömək edəcəkdir. Ancaq sınaqlardan əvvəl sizə kiçik ipucları vermək istəyirik.
Bunları etməlisiniz!
Saç ustasına gedərkən fikrinə güvəndiyiniz bir rəfiqənizdən sizə qoşulmasını xahiş edə bilərsiniz. Beləcə, qərar verməyiniz asanlaşacaq.
Saç aksesuarlarınızı və duvağınızı da yanınızda aparıb aksesuarlarınıza görə saç modelinizi təyin edin. Hətta gəlinliyinizin və istifadə edəcəyiniz qızıl zinət əşyalarının fotoşəkilini də ustanıza göstərə bilərsiniz.
Saç modelinizə qərar verərkən gəlinliyinizi və toyun ediləcəyi mühiti nəzərinizdə saxlayın.Açıq havada edilən yay toyu üçün açıq saçlarda kiçik çiçəklər xoş dayanarkən, qapalı yerdə edilən toy üçün isə topuz model və göz oxşayan tac yaxşı bir seçim olacaqdır.
Saç modelinizi seçərkən bəyi unutmayın. Aranızda boy fərqi varsa, uzun topuz modeli dikdaban ayaqqabılarla birləşərək sizi bəydən daha uzun göstərəcək. Bu vəziyyətdə başınızın arxa hissəsində yığılacaq topuzdan istifadə edə bilərsiniz.
Üzünüzün quruluşu da gəlin saçı modeli seçimində əhəmiyyətlidir. İncə, uzun bir üzdə tətbiq olunacaq topuz modelində üzə doğru saç salınması gəlinin üzünü daha da uzun göstərəcəyi üçün yaxşı seçim deyil. Yumru üzlü gəlinlərdə isə üzü incə göstərmək üçün üzə yanlardan və qulaq arxasından saçlar çıxarıla bilər.
Gəlin saçında ümumiyyətlə,çox vaxt topuz saç modelləri seçilər. Amma sizin saçınız qısadırsa, o zaman aksesuarlarla saçlarınızı rəngləndirərək çox gözəl bir gəlin saçı düzəltdirə bilərsiniz.
Yumru üz: Üzünüzün yumruluğundan şikayətçisinizsə,bir az olsun naziltmək üçün saçınızın həcmini yüksək tutacaq modelləri seçim edə bilərsiniz. Qısa kəsdirmək də həll yolu ola bilər. Ancaq uzun istifadə etmək istəyirsinizsə, topuz saç modelləri də yaxşı bir seçimdir.
Kvadrat üz: Balanslı bir üz tipidir. Üzdəki ifadəni yumşaltmaq üçün gicgahlarınıza doğru enən saç düzümləri etdirə bilərsiniz.
Düzbucaqlı üz: Kəsim düşünürsünüzsə, çənə sümüyünü keçməyəcək şəkildə olmalıdır. Gicgah sümüyünü örtəcək şəkildə kəsimlər ilə balanslı, uyğun saç modellərinə sahib ola bilərsiniz.
Tərs üçbucaq üz: Sahibini enerji dolu göstərən bu üz şəklinə toy günü bir az güc qatmaq istəyirsinizsə, saçınızın yanlarını qısa kəsdirərək, saç təpəsinə həcm verəcək modelləri seçim edə bilərsiniz.
Üçbucaq üz: Bu tip üz şəkillərində üz formasını saçınıza veriləcək müsbət enerji ilə tarazlıqlaşdırmalısınız.
XƏBƏR LENTİ
- ŞƏRHLƏR