Bu oyun vasitəsilə uşaqların məntiqi təfəkkürü, eləcə də diqqəti inkişaf edəcəkdir. Şəkilləri əvvəlcə çap edin. Burada 9 iş vərəqi var. Sonuncu vərəqdə isə cavablardır. Uşaqlar şəkillərə diqqətlə baxmalı və məntiqə uyğun olaraq çatışmayan şəkli taparaq yerinə yapışdırmalıdırlar. Məsələn, bu birinci şəkildə 3 şəkil görürük. Kələmin qarşısında keçi var, amma yerkökünün qarşısı boşdur. Buradakı məntiq ondan ibarətdir ki, keçi kələm yeyir. Yaxşı, bəs hansı heyvan kök yeyir? Təbii ki, dovşan. Demək, uşaq son vərəqdəki dovşan şəklini bu birinci şəkildəki boş xanaya yapışdırmalıdır.
Uşaqlara sual verərək ona kömək edin.
Məsələn, "Səncə ayaqla ayaqqabı arasında nə əlaqə var?"
Beləcə şəkillərdəki məntiqi tapmaq üçün ona ipucu vermiş və kömək etmiş olacaqsınız.
Bu oyunu da qrup şəklində, eləcə də minimum 2 uşaq arasında yarış şəklində təşkil edə bilərsiniz.
Bundan əlavə ona şəkillərlə əlaqəli əlavə suallar da verin.
Məsələn, ondan siçanın başqa nələr yediyini və s. bu tip suallar soruşun.
Çünki bizim məqsədimiz əyləndirərək öyrətməkdir, bunu əsla unutmayın.
Ən əsası da səbrli olun və uşağınızla gözəl bir zaman keçirin.
Bu isə cavab şəkillərin olduğu iş vərəqidir. Buradakı şəkilləri səliqə ilə kəsin.
XƏBƏR LENTİ
- ŞƏRHLƏR