Dünən Londonun şərqindəki Haqqerston səmtinin küçələri kloun görkəmli insanlarla dolu idi. Yüzlərlə, minlərlə kloun "All Saints Church" kilsəsinə axışıblar.
Onlar Cozef Qrimaldini anıblar.
Qadin.Net Milli.Az -a istinadən bildirir ki, 1778-ci ildə doğularaq 1837-ci ildə vəfat etmiş britaniyalı aktyor Cozef Qrimaldi zəmanəsinin ən məşhur klounlarından biri, ilk ağ simalı kloun, müasir arlekinadanın və klounadasının banisi idi.
O, 19-cu əsrin əvvəllərində, Britaniyadakı Regentlik dövründə ən populyar artistlərdən bri idi. Londonun Vest-End səmtindəki pantomimlərdə çıxış edən Qrimaldi müasir klounada sənətinin əsasını qoymuşdu.
1947-ci ildən bəri hər ilin fevralın 3-də "All Saints Church" kilsəsində Cozef Qrimaldi anılır.
Builki anım mərasiminə dünyanın ən müxtəlif ölkələrindən klounlar qatılmışdılar.
XƏBƏR LENTİ
