Sağlam qidalanın
Yağ və xolesterol nisbətini sağlam səviyyədə tutan bir şəkildə yemək ürək xəstəlikləri riskini azaldır və yaddaşın, digər idrak funksiyalarının sağlam inkişafını təmin edir. Digər tərəfdən, balıq və qoz-fındıq kimi omeqa-3 ilə zəngin qidaların yaddaş artırıcı təsiri var.
Yuxu
İndiana Universiteti Nevrologiya Mərkəzinin mütəxəssislərinə görə, gənc yaşlarında gecə qeyri-kafi və nizamsız yatanlar yaşlandıqca daha çox yaddaş itkisi yaşayır. İdeal olaraq, yeddi-səkkiz saatlıq fasiləsiz yuxu vacibdir.
Kifayət qədər məşq edin
Fiziki fəaliyyətlər bədənlə beyin arasında koordinasiyanı təmin etməklə yanaşı, idrak funksionallığını da dəstəkləyir. Yaxşı bir məşq bədəni rahatlamağa kömək edir və zehin ertəsi gün ən təzə formada işə başlayır.
Eyni anda birdən çox iş görməyin
Gündəlik həyatda tez-tez etdiyimiz “televizora baxarkən mesaj yazmaq, kompüterdə bir şeylə məşğul olarkən telefonla işləmək” kimi bu “eyni anda birdən çox iş görmək” dən uzaqlaşmaq lazımdır. Tədqiqatlar bu vərdişin qərar qəbul etmə və yaddaş da daxil olmaqla bütün duyğu qəbuluna kömək edən beyin bölgəsini mənfi təsir etdiyini göstərir.
Yeni bacarıq qazan
Yeni şeylər öyrənmək üçün beynimizi müntəzəm işdən kənarlaşdırmaq yaddaşı gücləndirmək üçün əla bir məşqdir. Bunlardan ən əsası şahmat, fotoqraflıq və musiqi alət çalma kimi fəaliyyətlərdir.
Stress səviyyənizi yoxlayın
Stresin zərər vermədiyi bir sahə yoxdur. Stress səviyyəsini yüksək səviyyədə saxlamaq yaddaşın zəifləməsini sürətləndirir. Yoga, meditasiya, təbiət gəzintiləri, heyvanlara qulluq və tənəffüs terapiyası kimi fəaliyyətlərlə stresli anları həyatınızdan çıxara bilərsiniz.
XƏBƏR LENTİ
