Hamiləlik hər bir qadın üçün önəmli və şərəfli müddətdir. Bu doqquz ay ərzində bətnimizdə böyüyən körpənin sevincini simamızda daşıyarıq. Üzümüz ətrafa nur saçar, qəlbimiz fərəhlənər. Lakin geyimə gəldikdə bir qədər tərəddüd edərik. Böyüyən qarnımızı ya gizlədər, ya da sıxmayan, nisbətən geniş paltarlardan istifadə edərik. Bəs yaxşı hamilə olan ulduzlar necə geyinirlər?
Bu sualın cavabını tapmaq üçün kiçik araşdırma apardım və məlum oldu ki, dünyanın ən dəbli hamiləsi Blake Livelydir.
Məşhur aktyor Ryan Reynoldsla çox xoşbəxt olan ulduz Blake ikinci körpəsinə hamilədir və onun geyimləri bir çoxlarını heyran qoyur.
Böyüyən qarnını gizlətmədən, onu daha da böyük göstərən geyimlərdən istifadə etmədən cazibədarlığını qoruyur.
Ulduzun geyim tərzi bir çox xanımlar üçün ideya, nümünə olur.
Onu stil ikonu adlandıranlar çoxdur.
Tək sirri qaydaları pozmağındadır.
O "hamilə bunu geyinməz, onu geyinməz" fikirlərini qəbul etmir və istədiyi şəkildə geyinir.
Hündürdaban da geyinir, gen bol ətəklər də.
Dekolteli dar ziyafət donları da qarderobundan əskik deyil.
Ulduzun fikrincə qarının böyüməsi gözəl görünmək üçün əngəl deyil.
Qadın hər zaman baxımlı və gözəl görünməlidir.
Möhtəşəm görünür.
Geyimlərinin rəngini də xüsusilə seçir.
Mən çox bəyəndim.
İndi siz deyin görək, Blake "dünyanın ən dəbli hamiləsi" adına layiqdirmi?
XƏBƏR LENTİ
- ŞƏRHLƏR