Budur payız gəlib yetişdi. Yağışıyla, küləyi ilə gözəllik qatdı təbiətə. Evimizin pəncərəsindən baxarkən bir-bir yarpaqlarını tökən ağaclar bizi daha da üşüdür sanki. Bəzilərimiz payızı sevir, bəzilərimiz yox. Bəziləri isə sadəcə pəncərə arxasından seyr etməyi sevir. Əgər yağış yağırsa və sizin kənara çıxmaqçün vacib bir işiniz yoxdursa evinizdə də gününüzü əyləncəli keçirə biləcəyiniz bir-iki üsul təklif edəcəyəm.
Ağıla ilk gələn şey film izləmək olur. Romantik bir film. Dəfələrlə izləsəniz də doymadığınız filmlər olsa daha gözəl alınar məncə.
Yağış damcılarının sədası altında romantik filminizi izləyərkən isti şokolad içmək ləzzəti keyfi. Şokolad həm xoşbəxtlik hormonlarımızı hərəkətə gətirir, həm də dişlərimizi möhkəmləndirir. Evdə isti şokolad hazırlamağın tərifi. Lazım olanlar: süd, şokolad, vanil, istəyə görə krema. Əvvəlcə şokoladı əridin, sonra onu süd ilə dadlandırın, daha sonra vanil əlavə edin. Zövqə görə krem də ola bilər.
Qoxuların psixologiyamıza, əhvalımıza böyük təsiri var. Evinizdə sevdiyiniz lavanda, darçın, vanil və s. kimi qoxulu çubuqlarla xoş aura yarada bilərsiniz. Bu həm də sinirlərinizi sakitləşdirəcək.
Ən sevdiyiniz musiqilərə qulaq asmaq ruhunuzu oxşaya bilər. Bunun üçün sevdiyiniz şəraiti yaradın. Məsələn, sizdə gözəl və nostaljik xatirəsi olan şəkilləri çıxarıb çarpayınıza düzün, çəhrayı, qara şamların işığı gözünüzü oxşayarkən ətrafınızdakı gözəl qoxuların təsirində musiqinin ritminə dalın.
XƏBƏR LENTİ
- ŞƏRHLƏR