Qureyşli Əbu Cəhil qureyşlilərə peyğəmbər əfəndimizin öldürülməsini təklif edir və bunu edən adama böyük miqdarda mükafat veriləcəyini bildirir. Hz Ömər bu təkliflə maraqlanır və peyğəmbər əfəndimizin öldürülməsinin əvəzində veriləcək malların zəmanəti olub-olmadığını soruşur. Müsbət cavab aldıqdan sonra Əbu Cəhil ilə bir müqavilə bağlayır.
Peyğəmbər əfəndimiz təxminən 40 nəfərlik əhsabıyla birlikdə Şəfa təpəciyinin yanındakı bir evdə toplandığı vaxt Hz.Ömər camaata hücum üçün qılıncına əl atır.
Yolda Nuaym B.Abdullah ilə rastlaşır. O, Hz. Ömərdən hara getdiyini soruşur. Hz Ömər: "Qureyşilərin işlərini darmadağın edən, onları ağılsız sayan, dinlərini ayıblayan, allahlarına dil uzadan, öz dinindən uzaqlaşıb yeni dinə üz tutan Məhəmmədin yanına getmək istəyirəm! Öldürəcəyəm onu!" deyir. Nuaym B. Abdullah Hz.Ömərə qaynı, əmisinin oğlu və bacısının ondan gizlin müsəlman olduğunu deyir və öncə onlarla maraqlanmasını məsləhət görür.
Hz. Ömər eşitdiklərindən sonra dərhal evə qayıdır. O vaxt Habbabın, Fatimə xanımla Səid b.Zeydə Quran oxuduğunu eşidir. İçəri girəndə dayısının üstünə tullanır. Yoldaşını qurtarmaq istəyən Fatimə xanım Hz. Ömərə mane olmağa çalışır. Hz. Ömər qardaşını itələyir və o, başından yaralanır. Daha sonra etdiyindən peşman olan Hz Ömər oxuduqları şeyin nə olduğunu soruşur.
Fatimə xanım oxuduqları səhifəyə ziyan verməsindən qorxaraq Hz. Ömərə mane olur, ancaq Hz. Ömərin müsəlman olacağına ümid edərək: "Ey qardaş! Sən bütə ibadət etdiyin müddətdə murdarsan (təmiz deyilsən), halbuki, ona (Quran-ı Kərim yazılmış səhifəyə) pak olandan başqası toxuna bilməz" dedi. Hz. Ömər qalxıb yuyunandan sonra Fatimə xanım səhifəni ona verdi. Səhifədə Taha surəsi yazılmışdı. Hz. Ömər surəni baş tərəfdən oxumağa başladı. Hz Ömər: "Bu sözlər nə qədər gözəldir, nə qədər qiymətlidir!" deyərək fikrini bildirir.
Hz. Ömər dərhal qalxıb qılıncını götürür. Sonra Peyğəmbərimiz əleyhissalam ilə əhsabın qaldığı yerə gedib qapısını döyür. Hz. Ömərin səsini eşidən Peyğəmbərimizin əshabından biri qalxıb qapının deşiyindən çölə baxır. Hz. Ömərin qılıncla gəldiyini görəndə qorxur. Peyğəmbərimizin yanına qayıdır: "Ya Rəsullah! Ömər bin Həttab qılıncıyla gəlib" deyir. Hz. Hamza "Ona icazə ver! Əgər o, xeyir üçün gəlibsə, bizdə ona bol-bol yaxşılıq edərik. Əgər, pislik üçün gəlibsə onu öz qılıncı ilə öldürərik" deyir. Peyğəmbərimiz "Ona icazə verin!" deyə buyurur.
Qapıdakı şəxs onu içəri buraxır. Peyğəmbərimiz durub ona tərəf gedir. Qurşağından və ya ridasının toplandığı yerdən yapışıb sürətlə özünə tərəf çəkir və "Ey İbn. Həttab, nə gətirdin, vallah, Allahın sənə bir müsübət verməsinə qədər dözəcəyini düşünmürəm!" - buyurur. Hz. Ömər: "Ey Allahın rəsulu! Mən Allaha, Allahın rəsuluna və ona, Allahdan gələn şeylərə iman etdiyim üçün sənin yanına gəldim!" - deyir.
Peyğəmbərimiz "Allahu Əkbər" deyərək təkbir gətirir. Peyğəmbərimizin əshabları Hz. Ömərin müsəlman olduğunu başa düşürlər.
XƏBƏR LENTİ
- ŞƏRHLƏR