Dünyanın ən gözəl məkanları arasında saraylar, köşklər həmişə ilk sıralarda iştirak edir. Bu məkanların dəbdəbəli gözəllikləri təsvir edilərkən də həmişə gözəl bir mənzərəyə sahib olmalarından, əşyalarının çox qiymətli olmasından, dekorunun gözəlliyindən, sütunların, qızıl zərli taxtların, mebellərin ehtişamından bəhs edilər.
Allahın Quranda bildirdiyi cənnətlə əlaqədar ayələrdə də insanların xoşlarına gedən məkanlardan -köşklərdən, saraylardan, bağçalardan, otaqlardan- tez-tez bəhs edilməkdədir. Dünyada məhdud ədəddə olan bu məkanlar, cənnətdə qüsursuz və ən görkəmli hallarıyla Allahın sevdiyi qullarının yaşadığı məkanlar olaraq sonsuza qədər var olacaqlar.
Cənnət məkanlarındakı zənginlik və bolluğun təsvir edildiyi hədislərdən bir neçəsi belədir:
Bir kərpici gümüş, bir kərpici qızıl, tərkibi iti qoxulu müşk, döşəməsi inci və yaqut, torpağı isə zəfərann olub, oraya girən xoşbəxt olar, ümidsiz olmaz, əbədi olar, ölməz...
Cənnətdə elə köşklər vardır ki, içindəki xaricindəkini, xaricindəki içindəkini görər...
Bir gün Rəsulullah, "Cənnətdə elə köşklər vardır ki, nə özünü yuxarıya bağlayacaq çəngəlləri və nə də altında dirəkləri vardır" buyurdu. Bunu dinləyən Səhabələr, "Ey Allahın Elçisi, o köşklərin əhli oraya necə girəcək?" deyə soruşdu. Rəsulullah (ə.s.ə.), "Onlar quşlar kimi uçaraq girəcəklər" buyurdu.
Cənnətdə yemək ehtiyacdan deyil, Allahdan bir nemət və ikram olaraq zövq üçün yeyilməkdədir. Orada iman edənlər acma, susama kimi dünyaya dair acizliklərdən təmizlənilmişlər.
Xəbər boyunca təqdim etdiyimiz və izah etdiyimiz bütün bu gözəlliklər hamımıza bir an sonrası qədər yaxındır. Ölümlə hər an son tapa biləcək olan dünya həyatı, axirətdəki sonsuz həyatın başlanğıcıdır. Bu səbəbdən hər an hər saniyə axirətə keçilə biləcəyini unutmamaq, cəhənnəmə getmə ehtimalından qorxmaq və bu səbəblə cənnətdəki sonsuz nemətə qovuşmaq üçün hazırlıq içində olmaq hər kəs üçün çox əhəmiyyətlidir.
Lakin şeytan, insana, Allahın cənnətdə vəd etdiyi gözəllikləri, sonsuz həyatı unutdurmaq, düşündürməmək istər. Əksinə qüsur və əskikliklərlə dolu olan dünya nemətlərinə razı olmağı, bunlarla bir neçə il yaşamağı yaxın bir fayda olaraq göstərər. Halbuki şeytana qarşı tam əksinə bir rəftarla cənnətin çox yaxın olduğu gerçəyini xatirdə tutaraq səmimi bir səy içində olmaq lazımdır.
Bütün səmimi Müsəlmanlar sonsuz mərhəmət, sonsuz rəhmət, sonsuz ağıl və güc sahibi olan, qullarını sevən, onları qoruyub gözləyən, dünyada və axirətdə onların yaxşılığını istəyən, onlara dünyada gözəl və şərəfli bir həyat, axirətdə də cənnəti istəyən Allahın zəmanətindədirlər. Bu səbəbdən bu sevinc dolu neməti Müsəlmanlar heç bir zaman unutmamalı və bir-birlərinə bu yaxın nemətin müjdəçisi olmalıdırlar. Necə ki Allah Quranda möminlərin bu mövzuda müjdələşmələrini buyurmaqdadır:
Heç şübhəsiz Allah, möminlərdən -qarşılığında onlara mütləq cənnəti vermək üzrə- canlarını və mallarını satın almışdır... (bu,) Tövratda, İncildə və Quranda ONun üzərinə gerçək olan bir vəddir. Allahdan daha çox əhdinə vəfa göstərəcək olan kimdir? Bu halda etdiyiniz bu alverdən ötəri sevinib-müjdələşin.'Böyük qurtuluş və xoşbəxtlik' budur. (Tövbə Surəsi, 111)
Bəs sizlər Cənnəti necə təsəvvür edirsiniz?Bəzən yuxumuzda Cənnətə bənzəyən yer gördük deyirik.Aranızda varmı belə yuxular görən?Necə yerlərdi təsvir edə bilərsiniz?
XƏBƏR LENTİ
- ŞƏRHLƏR