Hörmətli istifadəçilər!
Nəhayət ki, uzun müddətdir hər bir kəsin böyük maraq və intizarla gözlədiyi yeni bölümümüzü sizlərin istifadəsinə təqdim edirik.
Hər zaman olduğu kimi bu işimizdə də mühüm məqamları unutmadan və ən əsası sizlərə maksimum faydalı olmağa çalışmışıq.
İş rejimi, vaxt və başqa bir çox səbəblərlə əlaqədar olaraq veriliş və serialları davamlı izləyə bilməyənlər artıq saatlarla hər hansı verilişinizi yaxud serialınızı internetdə axtarmağa ehtiyac yoxdur. İzləmək istədiyiniz materialı rahatlıqla sevimli saytınızdan tapa bilərsiniz.
Bəli, bu gündən etibarən Qadin.TV portalı sizlərin ixtiyarındadır. Elə bu andan etibarən günün ən baxımli televiziya verilişləri, ekranlarda böyük maraqla izlədiyiniz yerli və xarici seriallar, möhtəşəm konsert zallarından konsertlərin video yazıları, balaca dostlarımız üçün cizgi filmləri, bir çox fərqli mövzularda müxtəlif video yazılar və əlbbəttə ki, yerli və xarici kinomatoqrafçıların istehsal etmiş olduğu köhnə və yeni filmləri heç bir yere getmədən, sevdiyiniz insanlarla, sevgi dolu ailə ortamında seçdiyiniz məkanda rahatlıqla izləyə bilərsiniz.
Hər zaman olduğu kimi, bu rahatlığı sizlərə biz təklif edirik...))
Təxminən son altı aydır ki, əməkdaşlarımız bu bölümün, Qadin.TV layihəsinin hazırlanması üzərində çalışır. Bilirik bir çoxları sual edəcək ki, bu kimə lazımıydı, onsuz da film və serialları izlədiyimiz bir çox video servislər mövcuddur.
Tələşlanmayın...) Sizlərə əsəbləşmək olmaz! Bütün suallarınızı cavablandırıb, qaranlıq məqamlara aydınlıq gətirəcəyik...
İlk növbədə ondan başlayaq ki, ən azından bu gün üçün Qadin.TV portalı - video saxlama, yayım servisi deyil!
Biz sadəcə ekspertlərimiz tərəfindən seçilmiş yerli televiziya verilişlərinin və fərqlənən yerli və xarici televiziya seriallarının videoyazılarını öz məlumat bazamızda olması şərti ilə sizlərə təqdim edirik. Biz bu siyahıya eynisi ilə filmləri, cizgi filmlərini və müxtəlif mövzulu video yazıları da əlavə edə bilərik. Həmçinin "Fərqli Həyat" bölməsində film, kino, teart, televiziya sahəsində çalışmış mədəniyyət və incəsənət xadimləri haqqında məlumatlar da təqdim edilir.
Bu portalı sizlərə təqdim etməkdə ən böyük məqsədimiz, heçdə "biz də varıq" deyib meydana atılmaq deyil. Biz bütün işləri sizlər üçün, sizlərin rahatlığı və istirahəti üçün edirik! Sırf Qadin.Net ziyarərçilərinin vaxtlarını daha səmərəli, daha rahat, daha əyləncəli, şən və mehriban keçirmələri üçün çalışırıq.
Qeyd etdiyimiz kimi təxminən 190 gündür ki, əməkdaşlarımız gördüyünüz materailları toplamaqda idilər. Hal-hazırda, siz bu xəbəri oxuduğunuz anda belə yeni materialların əlavəsinə davam edilir. Bu gün üçün saytda sizə təqdim edilən toplu halda 1700-dən çox videonu rahatlıqla izləmək mümkündür. Bütün videolar öz növbəsində, 6 film bölməsi, ümumilikdə 26 fərqli serial, 12 televizya verilişi və təbii ki, cizgi filmləri, konsertlər, müxtəlif video bölmələri üzrə yerləşdirilmişdir.
Eyni zamanda daha əvvəl qeyd edildiyi kimi film, kino, teart, televiziya sahəsində çalışmış mədəniyyət və incəsənət xadimlərinin həyat və yaradıcılığı haqqında maraqlı məlumatları "Fərqli Həyat" bölməsində tapa bilərsiniz.
Hər zaman milli dəyərlərimizə böyük önəm verdiyimizi dönə-dönə vurğuladığımız kimi bu işimizdə də bu mühüm nüansı unutmadıq!
"Milli kinomuz" film bölməsində Azərbaycan istehsalı olan ümumilikdə 90-dan çox film və televiziya tamaşası əlavə edilmişdir.
Yaxın günlərdə "Canlı Yayım" bölməsində seçilmiş yerli və xarici ölkə telekanallarını da canlı olaraq izləyə biləcəksiniz.
Qadin.TV-ni başqalarından fərqləndirən önəmli məqamlardan biri - təqdim olunan bütün videolar, hər biri özü üçün ayrı-ayrılıqda məlumat "kartına" sahibdir. Beləki, siz sadəcə video izləməklə kifayətlənmirsiniz, eyni zamanda izlədiyiniz film, serialın bütün lazımı məlumatlarını (istehsal ili, rol almış aktyorlar, pərdə arxası heyət və s.) əldə etmiş olacaqsınız. Həmçinin bütün məlumatlar sizlərə öz doğma dilimizdə, Azərbaycan Respublikasının rəsmi Dövlət dili Azərbyacan dilində təqdim edilir!
Düşünürük ki, hər zaman insanları maarifləndirməyi özü üçün prioritet mövzu olaraq təyin etmiş bir layihə üçün bu nüanslar çox mühüm bağlantı nöqtələrindən biridir.
Qeyd edilənlərlə yanaşı, bir çox film, serialları təqdim edən saytlardan fərqli olaraq "18+" mövzusunda saytda bölmə mövcud deyil. Hər zaman saytınızı izlədiyiniz kimi, video bölmənizi də rahatlıqla bütün ailənizlə birlikdə, baş ucalığı ilə izləyə bilərsiniz.
Müəllif hüquqları hər zaman bizlər üçün çox həssas bir məqamdır. Bu səbəbdəndir ki, materiallar müəllifləri onları narahat edən istənilən sualları ilə bizlərə müraciət edə bilərlər.
Əlaqə bölməmiz vasitəsi ilə daha əvvəl izləmiş olduğunuz, tapa bilmədiyiniz, ən əsası yenidən izləmək istədiyiniz hər hansı film və ya serialın adını, onun haqqında bildiyiniz bütün məlumatlatları yazıb bizə göndərməyiniz kifayətdir ki, qısa bir zamanda istəyiniz reallaşdırılsın, siz həmin film və ya serialı sevimli saytınız vasitəsi ilə yenidən izləyəsiniz.
Biz bir daha bu portalın hər birinizə xeyirli olmasını diləyirik.
Xoş seyirlər...
XƏBƏR LENTİ
- ŞƏRHLƏR