Allergiya və astma həkimləri insanlarda daha çox toza, toz hissəciklərinə, kif göbələklərinə, heyvan dərilərinin dəyişilməsinə və tüklərinə qarşı allergiya yarandığını bildiriblər. Bütün bu allergiyaların ortaq iki tərəfi var:
1. Havada uçuşan və gözlə görülə bilməyən mikroskopik maddələrdir
Nəfəs alma yoluyla allergik reaksiyalara səbəb olurlar. Allergik maddələrdən tamamilə uzaq durub, qorunmaq mümkün deyil.
Öz immun sisteminizi bir "vedrə" kimi fikirləşin. O, allergenləri içinə yığır və dolmağa başlayır. Allergik narahatlıqlar "vedrəniz" dolana və ya daşmağa başlayana qədər ortaya çıxmayacaq. Dolub daşdıqdan sonra isə özünüzü pis və halsız hiss edəcək, gündəlik işlərinizi edə bilməyəcək hala gəlib çıxacaqsınız. Allergiya həkimlərinin bu problemə qalib gəlmək üçün bir çox metodları var. Siyahının başında isə vedrənin dolması və daşmasına maneə törədəcək olan "Ətrafa nəzarət - allergik maddələrdən qorunma" gəlir.
Allergik maddələrdən birinə və ya bir neçəsinə allergiyaniz ola bilər. Bu alergik maddələrdən yalnız birinə qarşı qoruna bilsəniz, sizin immun sisteminizə oxşatdığımız vedrənin daşmasına maneə törədə bilərsiniz.
2. Yataq otağınızı allergiyalardan təmizləyin
Məsələn, sizin ev tozuna qarşı allergiyanız olduğunu fərz edək. Toz ilk olaraq yataq otağının problemidir. Siz aşağıdakı tədbirləri görməklə yataq otağınızı demək olar ki, allergenlərdən tamamilə təmizləyəcəksiniz. Bunları tətbiq etdiyiniz andan etibarən yatarkən bütün gecə gözlə görünməyən allergenlərdən azad olacaqsınız. Nəticədə isə gecə yatarkən nəfəs darlığı, astma böhranı, səhərlər axan burunla və ya qırmızı gözlərlə qalxmağı unudacaqsınız. Allergenlərdən təmizlənmiş otaqda 8-10 saat olmaq sizin immun sisteminizin özünü yeniləməsinə bir şans verəcək və siz səhərlər günə "boş vedrə" ilə başlaya bilərsiniz. Allergik maddələrdən qorunmağa əlavə olaraq həkiminizin sizə verə biləcəyi digər tövsiyələrlə "vedrə" bir daha heç daşmaya bilər.
Əgər ev tozuna allergiyanız varsa, anti-allergik yataq dəstlərindən istifadə edilməsi zəruridir. Niyə? Çünki anti-toz yataq dəstləri yatağınızda, yastığınızda və yorğanınızda olan milyonlarla toza qarşı tam bir maneədir. Anti-toz yataq dəstləri olmasa, siz yuxuda hərəkət etdikcə allergenlər yatağınızda, yastığınızda və yorğanınızda uçuşur və siz nəfəs alıb-verdikcə onları da udursunuz. Anti-toz dəstləri sayəsində bu zərərli proses dayandırılır. Gözlə görünməyən allergenlər və kiçik maddələr örtüklər vasitəsi ilə "mühasirəyə alınır" və gecə boyunca onları udmursunuz. "Hipo-allergik" yastıqlarda da bu üzlərdən istifadə edilməlidir. "Hipo-allergik" ifadəsi məhsulların tərkibindəki plomb maddələrinin allergik reaksiyaya səbəb olmadığı mənasın verir. Ev tozu bu cür məhsulların içində rahatlıqla tapıla bilər. Digər tərəfdən, tozsoranla yataq, yorğan və yastığınızda olan tozları hər gün və ya hər həftə təmizləmənin pratikada mümkün olmadığı unudulmamalıdır.
Yataq üzlərinin, ədyalların, yataq dəstlərinin və s.-nin yuyulmasıyla onlarda olan ev tozundan xilas olmaq asandır. Bu əşyaları 7-14 gündən bir 60 dərəcə isti su ilə yuyun. İsti suda yumaq allergenləri təmizləyər. Əgər yorğan və ədyalınızı yumaq praktik deyilsə, bunlarda da anti-allergik örtüklərdən istifadə edin. Daha çox qorunmaq üçün soyuq suda yuyulması lazım olan əşyaları toz və allergenlərdən təmizləmək üçün akarasiddən (allergik təmizlik məhsulları üçün yuyucu qatqı maddəsi) istifadə edə bilərsiniz.
XƏBƏR LENTİ
- ŞƏRHLƏR