28.08.2013-09:00

• Arıqlama sirləri

41 177

57

Öncə sevgi gəlir, ardından da evlilik ... Yaxşı bəs sonra? Bu problemin cavabı tərəzinin əqrəbini sağa doğru aparan 10 artıq kiloqram ola bilərmi görəsən? Bu doğrudur: mütəxəssislər qadınların evliliklərinin ilk beş ilində sürətlə kökəldiklərini və çəkilərinin birinci ildə orta hesabla 8-10 kilo artdığını söyləyirlər. Bəs ağ gəlinliyin içində qu kimi olduğunuz halınızı necə qoruyacaqsınız?

Araşdırmaların nəticələrinə görə, kişilərin də evlilikdən sonra çəkiləri artır. Amma qadınlara müqayisədə daha az! Bundan başqa, mütəxəssislərə görə, sürətlə kökəlmək yataq otağında da bəzi problemlərə zəmin hazırlaya bilər. Əgər incə bədəninizi və həyat yoldaşınızla əlaqənizi qorumaq istəyirsinizsə, çəkini artıran əsas üç tələ və bunlardan qorunma yollarını öyrənin.

Tələ 1: Toydan əvvəlki aclıq

Çox vaxt evliliklə yanaşı, sürətlə çəki artımının təməl mənşəyi nişanlılıq dövründə edilənlərə söykənir. Ölümcül gəlinlik pəhrizi və toydan əvvəlki aclıq səbəbiylə bir çox qadın bu dövrdə ideal çəkisini itirir. Və bir çox qadın bu dövrdə gündəlik kalori alışını min kaloriylə qaldırır. Hətta gündə ən azı bir, ya da iki saatını idman salonlarında keçirir. Bütün bunları edərək yalnız çəkisini deyil, maddələr mübadiləsinin sürətini də əhəmiyyətli ölçüdə aşağı salır. Yəni, bal ayında qıtlıqdan çıxmış kimi yeməsəniz belə, bu tempi sonsuza qədər qorumayacağınız müddətdə çəkinin artması onsuz da mümkündür.

Mütəxəssislərə görə, həyatımızın heç bir dövründə qısa müddətdə çəkini həddindən artıq azaldan şok pəhrizlər (bir ay və ya daha qısa sürən) saxlamamaq lazımdır.

Tələ 2: Həyat yoldaşınızla ayaqlaşmaq

Bəli, bu haradasa yoldaşınızın günahı kimi qəbul edilə bilər. Bəslənmə mütəxəssisləri qadınların evlilikdə həyat yoldaşlarıyla eyni tezlikdə və eyni miqdarda yemək yeməyə başladıqlarını xatırladırlar. Yeyilən yeməklərin bir xüsusiyyəti də subaylıq dövrünə görə daha yüksək kalorili və daha sağlıqsız olmasıdır.

Mütəxəssislər bu vəziyyətdən ən yaxşı çıxış yolunun (bir az eqoistcə görünsə belə) yeməyinizi yoldaşınızdan əvvəl götürmək, boşqabların ölçüsünə diqqət etmək və mümkünsə çox kalorili yeməkləri yalnız ona görə bişirmək olduğunu söyləyirlər. Restoranlarda da sifarişi əvvəl verərək özünüzü xilas edə bilərsiniz.

Tələ 3: Həyat tərzindəki dəyişiklik

Sevgili olduğunuz dövrdə tez-tez görüşmək üçün gecələr çox gəzdiyinizi, daha çox tətilə getdiyinizi və ictimai fəaliyyətə qatıldığınızı, evləndikdən sonra isə həyatınızın yataq və kreslolar arasında qaldığını yəqin ki, siz də qəbul edirsiniz.

Əlbəttə, evliliyin ilk illərində bazar gününü az qala axşama qədər ev əşyaları arasında keçirməyin hər şeydən daha zövqlü olduğunu mütəxəssislər də qəbul edir. Ancaq əgər formanızı qorumaq istəyirsinizsə, subaylıq dövründəki qədər olmasa da, yenə birlikdə edə biləcəyiniz və sizi hərəkətə gətirəcək bəzi məşğuliyyət tapmağınız şərtdir.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

c.meryem