Fransanın paytaxtı Parisdə yerləşən Monso Parkında 8 uşaq daxil olmaqla 11 nəfəri ildırım vurub. ANS PRESS-in məlumatına görə, yaralananlar parkda ad günü şənliyi keçirən məktəblilər olub.
Zərərçəkənlərdən dördü xəstəxanaya ölümcül vəziyyətdə yerləşdirilib. Göy gurultusu və şimşəyin ardından Parisə leysan yağışın düşdüyü bildirilir. Məlumata görə, uşaqlar və 2 böyük ad günü şənliyi keçirən zaman qəfil düşən yağışdan qorunmaq üçün iri gövdəli ağacın altına sığınıb.
Hadisə yerində olan mülki geyimli yanğınsöndürən Paskal Qemilot dərhal müdaxilə edərək, yaralananlara ilkin yardım göstərib, uşaqların ölməməsi üçün onlara ürək masajı edib. Yerli polisin məlumatına görə, uşaqların çoxu 9 yaşında olub.
Leysan yağışla əlaqədar Açıq Tennis Turnirində hazırkı çempion Serena Uilyamsıa Kristina Mladenoviç arasındakı keçirilən oyun müvəqqəti olaraq təxirə salınıb.Dünən eyni zamanda Almaniyanın Hopştedten əyalətində yerləşən stadionda futbol oynayan uşaqları ildırım vurub. Azarkeşlik edən böyüklər və hakim daxil olmaqla 35 nəfərin müxtəlif dərəcəli xəsarətlər aldığı bildirilir.
Şahidlər əmin edir ki, matç başlayan vaxt stadion üzərində qara buludlar olmayıb və səma açıq olub. Məlumata görə, ildırım birbaşa hakimin üzərinə düşüb və onun ürəyinin bir anlıq dayanmasına səbəb olub. Ağır vəziyyətdə olan hakim helikopterlə xəstəxanaya təxliyyə olunub.
Polşanın cənubunda isə xizək sürən bir kişi dağdan eniş zamanı ildırım vurması nəticəsində həlak olub.
Mənbə: ANS PRESS
XƏBƏR LENTİ
