Hansı suyu, necə içirik? - ARAŞDIRMA
24 152
5
![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Bildiyimiz kimi, su insan həyatı üçün oksigendən sonra ən önəmli maddədir. İnsan yemək yemədən həftələrlə yaşadığı halda, susuz ancaq bir neçə gün yaşaya bilər. Təsadüfi deyil ki, qanımızın 92%-i, sümüyümüzün 22%-i, beynimizin və əzələlərin 75%-i sudur. Bədənimizdəki hüceyrələrin yaşaması, vücud funksiyalarının yerinə gətirilməsi vücudun su tarazlığının təmin edilməsi ilə mümkündür.
Əgər bədənimizdəki su ehtiyatının 20%-ni itirəriksə, bu həyatımız bahasına başa gələr. İnsan vücudundakı suyun miqdarı yaşa, cinsiyyətə, boyun uzunluğuna, bədənin çəkisinə və aktivliyinə görə dəyişir. İnsan yaşlandıqca bədəndəki suyun yerini yağ toxumaları əvəz edir. Buna görə də insan yaşı artdıqca sudan daha çox istifadə etməlidir. Yəni böyrəklərin vəzifələrini yerinə yetirə bilməsi və bədəndəki yağ dövriyyəsinin nizamlanması üçün bol su içilməlidir. Çünki qaraciyərin vəzifəsini yaxşı yerinə yetirməsi böyrəklərin səmərəli fəaliyyətindən asılıdır. Bildiyiniz kimi, qaraciyərin əsas vəzifələrindən biri vücuddakı yağı bədənin istifadə edə biləcəyi enerjiyə çevirməkdir. Əgər lazımi qədər su içilməzsə, böyrəklər yetərincə fəaliyyət göstərə və süzmə əməliyyatlarını lazımi qədər apara bilməz. Belə olan təqdirdə də, böyrəklərin vəzifəsini qaraciyər yerinə yetirməyə başlayır. Beləliklə də, onun öz əsas işi ikinci plana düşür, yəni bədəndəki yağların enerjiyə çevrilməsi prosesi zəifləyir. Onda da bədəndəki yağlar çoxalır və insan kökəlməyə başlayır.
“Dünyada bir milyard üç yüz əlli milyon insan içməli su problemi yaşayır”
Bütün bunları qeyd etməkdə məqsədimiz oxucuların diqqətini insan sağlamlığı üçün suyun nə qədər əhəmiyyətli olmasına yönəltməkdir. Suyun bu qədər həyati əhəmiyyət kəsb etməsinə baxmayaraq, dünya əhalisinin böyük bir qismi ona həsrətdir. Təəssüf hissi ilə qeyd edirik ki, su tapa bilməyən insanların sayı getdikcə artmaqdadır. Azərbaycan Dövlət Neft Şirkətinin Ekologiya İdarəsinin rəis müavini, fizika-riyaziyyat elmləri doktoru Əflatun Həsənovla söhbətimiz də dünya əhalisinin içməli su problemi haqqında oldu. Onun sözlərinə görə, dünyada insanların su ilə bağlı iki mühüm problemi var insanların suya əlçatanlığı və içməli su problemi. Ə. Həsənov bildirdi ki, dünya əhalisinin böyük bir hissəsi içməli suya həsrətdir: “Ümumdünya Su Təşkilatının verdiyi məlumata görə, hazırda dünyada bir milyard üç yüz əlli milyon insan içməli su problemi yaşayır. Bu isə o deməkdir ki, dünyada hər yeddi nəfərdən biri içməli su tapa bilmir”. Müsahibimizin sözlərinə görə, bu problemin gələcək illərdə daha da kəskinləşəcəyi proqnozlaşdırılır: “Amerikalı alimlərin proqnozlarına görə, 2030-cu ildən sonra bu problem o qədər ciddiləşəcək ki, 2050-ci ildə dünyada su qaçqınları yaranacaq”.
“Elə kəndlərimiz var ki, sakinləri ciddi şəkildə içməli su problemi yaşayır”
Azərbaycanın bəzi bölgələrində də içməli su probleminin olduğuna diqqət çəkən Ə.Həsənov bildirdi ki, hazırda bu problemin həlli dövlət siyasətinin prioritet istiqamətlərindən biridir: “Ölkə əhalisinin içməli su ilə təmil edilməsi istiqamətində çox böyük işlər həyata keçirilir. Bu sahəyə böyük sərmayələr qoyulur. Bütün bunlara baxmayaraq, hələ də elə kəndlərimiz var ki, sakinləri ciddi şəkildə içməli su problemi yaşayır”. İnsanın içməli və faydalı sudan istifadə etməyinin xeyirlərindən danışan müsahibimiz bu istiqamətdə apardığı elmi araşdırmaları haqqında da ətraflı məlumat verdi. Onun sözlərinə görə, insan içməli suya olan ehtiyacını aradan qaldırmaq üçün qar suyu, meyvə suyu və mənim kəşfim olan akvoplaton suyundan (nano filtrlərdən süzülən su) istifadə edə bilər: “Məlumat üçün deyim ki, məşhur alim Poll Bred həmişə distilə su içib. O, 98 yaşında idman zamanı qəza nəticəsində dünyasını dəyişib. Meyvə suyu haqqında isə onu deyim ki, meyvələr tərkibindəki elementləri ilə yanaşı, həm də suyunun mono şəklində olmasına görə çox faydalıdır. Yeri gəlmişkən, qeyd edim ki, mən bunu patentləşdirmişəm. Məlumunuz olsun ki, meyvənin saplağının dib hissəsində biomembran var. Biomembran ağacın gövdəsi vasitəsilə gələn suyu ancaq mono halında içəri buraxır. Elə membran texnologiyasının əsası da bundan yaranıb”. Orqanizmimiz üçün lazım olan elementlərin 90%-ni yemək vasitəsilə qəbul etdiyimizi dilə gətirən Ə. Həsənov bildirdi ki, onun 10%-ni içdiyimiz sulardan alırıq.
“4 elementin içməli suda olması zəruridir”
Həmsöhbətimizdən öyrəndik ki, suyun tərkibində olan və insan orqanizmi üçün çox faydalı elementlər natrium, kalium, maqnezium və kalsiumdur. Ə.Həsənovun sözlərinə görə, bu elementlərin içdiyimiz suda olması zəruridir. Həmçinin ondan öyrəndik ki, içdiyimiz suyun faydalı olması üçün iki mühüm cəhət var: “İçdiyimiz suyun daha faydalı olması üçün tərkibi mono, yəni H2O molekulları tək-tək olmalıdır. Çünki 2003-cü ildə iki amerikalı alim - Piter Eqir və Makendır isbat ediblər ki, böyrəklərin divarında akvoparen hüceyrəsi var. Hansı ki, su molekulları bu hüceyrəyə ancaq mono şəklində daxil ola bilir. Amma içdiyimiz suyun H2O molekulları, sadə dildə deyəsi olsaq, sanki bir-biriləri ilə əl-ələ tutmuş halda hərəkət edirlər. Deməli, akvoparen hüceyrəsi su molekullarını bir-birilərindən ayırdıqdan sonra qəbul edə bilir. Bu da çox halda mümkün olmur. Belə ki, 30 yaşdan sonra insan bədənindəki ölü hüceyrələrin sayı yeni yarananlardan çox olur. Bundan başqa, insan kimi hüceyrələr də qocalır. Qocalan digər hüceyrələr kimi, akvoparenin də funkiysanallığı azalır. Nəticədə də orqanizmimizdə maddələr mübadiləsi pozulur. Bu səbəbdən də orqanizm vaxtından tez ölür”. Əflatun Həsənov söylədi ki, yuxarıda qeyd etdiyi məlumatlardan nəticə çıxararaq, akvoplaton filtrlərini kəşf edib: “Bilirdim ki, həm qar, həm də meyvə suyu mono şəklindədir. Bu sular insan orqanizmi üçün çox faydalı olduğu üçün araşdırmağa çalışdım ki, suyu mono şəklində süni formada necə almaq olar. Su molekulunun birinin ölçüsünün 0,28 nano olduğuna əsaslanaraq, Rusiyanın “Kvanta +” şirkətinə sifariş verdim ki, suyu tək-tək molekul şəklində süzə bilən (membran texnologiyası) nano filtir hazırlasın. Bu patent əsasında hazırlanan filtrlər sertifikatlaşdırıldı və xüsusi əmtəə nişanı aldı. Beləliklə də, “Kvanta +” şirkəti bu filtrlərin istehsalına başladı. Artıq sözügedən nanofiltrlərdən dünyada geniş istifadə olunur. Təəssüf hissi ilə bildirirəm ki, bugünkü günə kimi bu texnologiyadan Azərbaycanda yoxdur. Hansı ki, Rusiyada binaların bu filtrlərlə təmin edilməsi istiqamətində Dövlət Proqramı qəbul olunub”.
“Azərsu” ASC-də də membran texnologiyasından istifadə olunur”
Müsahibimiz fikirlərinə onu da əlavə etdi ki, “Azərsu” ASC-də də membran texnologiyasından istifadə olunur: “Bu texnologiya vasitəsilə vətəndaşlara verilən su mikroblardan, bakteriyalardan və s. zərərli maddələr və mikro orqanizmlərdən təmizlənir. Təmizlənən su əhaliyə paylanmaq üçün anbarlara doldurulduqdan 30 dəqiqə sonra isə orada yenidən mikroorqanizmlər yaranır. Bu mikro orqanizmləri məhv etmək üçün həmin suya xlor vurulur. Xlor isə bəzi hallarda insan sağlamlığı üçün zərərli ola bilər. Burada da dövlətin heç bir günahı yoxdur. Çünki bu prosesi axıra çatdırmaq dövlətin yox, ayrı-ayrı şirkətlərin işidir”. Öz kəşfinin dünyadakı bütün membran və nano texnologiyalarından üstün cəhətləri haqqında da danışan həmsöhbətimiz bunları dedi: “Dünyada olan bütün su təmizləmə sistemləri suyu ancaq təhlükəsiz edə bilir. Mənim kəşf etdiyim texnologiya isə onu təhlükəsiz olmaqla yanaşı, eyni zamanda faydalı su edir. Bax buna görə də Amerika, Rusiya, Səudiyyə Ərəbistanı və s. ölkələrdə mənim texnologiyamdan geniş istifadə olunur”. Əflatun Həsənov müəllifi olduğu akvoplaton texnologiyasının iş sistemi haqqında da məlumat verdi: “Kvanta +”a texniki sifarişim belə olmuşdu ki, hazırlanacaq filtrlərdən su ancaq H2O molekulu halında tək-tək çıxsın. Sonra həmin molekullar xüsusi qurğu vasitəsilə maqnit təsirlərə məruz qalır. Beləliklə də, onların hər birinə ayrı-ayrı enerji verilir ki, su molekulları birləşə bilməsinlər. Bununla da onların aktivliyi qorunur. Daha sonrakı mərhələdə isə həmin suya natrium, kalium, kalsium və magnezium əlavə olunur. Hansı ki, maqnezium ətin, kalsium sümüyün, natrium və kalium isə hüceyrənin əsasını təşkil edir. Mənim müəllifi olduğum monomolekuliyar strukturlaşmış bioloji aktiv su deyildikdə, bax bu nəzərdə tutulur”.
Mənbə:Milli.Az
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]