Ermənistanın ən məşhur aktyoru, "Frunzik" adı ilə tanınan Mher Mkrtıçyanın dul xanımı, aktrisa və rejissor Tamara Hovvanisyan "1in.am"a verdiyi müsahibəsində belə deyib.
Onun sözlərinə görə, Ermənistandakı və Dağlıq Qarabağdakı ermənilər hansısa dəyişikliklərdən danışırlar, halbuki belə dəyişikliklər yoxdur, nəzərə çarpmır."Dəyişikliklər o zaman olacaq ki, Ermənistan prezidenti Serj Sarkisyan və onun dəstəsi hakimiyyəti tərk etsin. Onlar yenidən müharibə olmasını, qan tökülməsini istəmirlərsə, getməlidirlər. Mütləq getməlidirlər! Bizim "müstəqil" ölkəmizdə indiyədək ölkənin inkişafı üçün çalışan normal, ağıllı, vicdanlı prezident olmayıb. Hamı oğurluq edir. Səsləri oğurlayırlar, xalqın və dövlətin sərvətini oğurlayırlar, gənclərin həyatını oğurlayırlar. Biabırçılıqdır! İndiyədək insanlar susurdu. Bəziləri nəyəsə ümid edirdi, bəziləri qorxurdu. İndi hamı danışmağa başlayıb. Ermənilər arasında indi bulanıq suda balıq tutmaq istəyənlərin sayı hədsiz artıb. Dağlıq Qarabağdakı döyüşlərdə həlak olmuş əsgərlərimizin sayını hələ də açıqlamırlar, düzgün məlumat vermirlər, həqiqəti bizdən gizlədirlər. Lap elə təsəvvür edək ki, Müdafiə Nazirliyinin dediyi təki, 92 nəfər həlak olub. 92 nəfərin nə demək olduğunu anlayırsınızmı?! Bu insanlar yaşamalı, ailə qurmalı idilər. Onlarsa boş yerə həlak oldular, qanlarını tökdükləri məqsədi də Ermənistan rəhbərliyi satışa çıxardı, hərraca qoydu. Son 20 ildə Ermənistanda nə qədər gəncin həlak olduğunu hesablayın. Onların evlərinə gedin, ailələrinin hansı vəziyyətdə yaşadıqlarına baxın. Görəsən, dünyada Ermənistan kimi başqa bir dövlət varmı ki, həbsxanaya atılmağa layiq cinayətkarlar ölkəni idarə etsinlər?!" - Tamara Hovvanisyan deyib.
Onun sözlərinə görə, Ermənistan dövlət müstəqilliyi qazanandan bəri ölkəni idarə etmiş Levon Ter-Petrosyan, Robert Köçəryan və Serj Sarkisyan cinayətkarlardır. Tanınmış aktrisa və rejissorun fikrincə, Ermənistan acınacaqlı vəziyyətdədir: cəmiyyət qorxaq, ordu bivec və oğru generalların əli altında, hər tərəfdə rüşvətxorluq, korrupsiya, qanunsuzluq və banditizm..."Bəs bizim günahımız nədir?! Güahımız odur ki, heç nə edə bilməyəcəyimizi düşünürük, "başımı aşağı salıb işləyim, ailəm üçün bir qədər pul qazanım" deyirik, müti kütləyə çevrilirik. Nə etməliyik?! Baqramyan prospektini bağlamalı və hakimiyyəti o binalara buraxmamalıyıq. Hakimiyyət dəyişməlidir. İqtidara cəsarətli, ağıllı, vicdanlı insanlar gəlməlidir. Bu zir-zibili təmizləmək üçün. Onların hamısını mülkiyyətindən məhrum etmək gərəkdir. Qoy Sarkisyanın dəstəsində kimsə düşünməsin ki, xaricdəki əmlakından yararlana biləcək. Onların hamısını xalq məhkəməsinə çıxarmalı, cəzalandırmalı, sonra normal dövlət qurmalıyıq. Normal dövlət isə normal ordu, normal sərhədlər deməkdir. İndiki xarici işlər nazirimiz Edvard Nalbandyan kimi özündən razı, amma bomboş qovluq əvəzinə peşəkar diplomatlarımız olmalıdır. Başa düşürsünüzmü, baş verənlərə artıq dözmək mümkün deyil. Onların sarsaq bəyanatlarını dinləmək, onların axmaqlığına, həyasızlığına dözmək mümkün deyil! Bu ölkədə qalmış 2 milyon insandan kimsə və ya dünya ölkələrindəki 10 milyon erməni arasından birinin bu adamlara haqq qazandıra biləcəyini düşünmürəm", - aktrisa söyləyib.
T.Hovvanisyan daha sonra maraqlı etiraf edib. Onun sözlərinə görə, Dağlıq Qarabağdakı ermənilər ümidlərini tam itiriblər.
"Sarkisyan deyir ki, qarabağlı ermənilər vuruşmaq istəyirlər. Mənsə deyirəm yalandır, qarabağlı ermənilər Dağlıq Qarabağı tərk etməyin yollarını axtarırlar. Onlar ümidsiz, bədbin vəziyyətdədir, heç bir perspektivin olmadığını düşünürlər. Dağlıq Qarabağ ermənilərin perspektivlərinin necə olacağını soruşursunuz?! Gedin, qaraçılardan soruşun. Prezidentimiz, hakimiyyətimiz xalqa nifrət edir. Onların arzuları var, amma dilə gətirmirlər. Mənsə deyirəm - Serj Sarkisyan və ətrafındakı adamlar ermənilərin dövlətini məhv etmək istəyirlər. Onları süpürüb atmasaq, məhv olacağıq. Daha doğrusu, artıq məhv olmağa başlamışıq. Belə məhvin necə yaşandığını isə dövləti olmayan, dünya ölkələrinə səpələnmiş qaraçılardan soruşun...", - tanınmış erməni aktrisa və rejissor söyləyib.
Mənbə: Milli.Az
XƏBƏR LENTİ
Qadağan olunmuş şəhər
Köpək balığından qaçmaq üçün 3 saat üzdü: "Yem olacaqdım..."
Ayda dəfn mərasimləri keçiriləcək
Nişan geyimləri
Hava haqqında
Bakının bu ərazisində 3 gün qaz olmayacaq
Portağallı-şokoladlı ürək dondurma (foto resept)
Düşmən qüvvələri arasında silahlı qarşıdurma: Ölənlər var - RƏSMİ
Azərbaycan irəli!
Ürək üçün faydalı olan qidalar
Bakıda uşaq oxutduran valideynlərə xoş xəbər
Eşqin yaşı yoxdur
Acun Ilıcalı baba oldu
Zəvvarlara həccdə qadağa
Ekstrim həvəskarı iki saat yarıma dünya rekordunu qırdı
Göbələkli mantı (foto resept)
Hazal Kayadan gözlənilməz etiraf
Günün qoroskopu: baş verənləri diqqətlə izləyin
Van Damın Bodrum sərgüzəştləri-FOTO
2019 Coachella Dəbi
Günəşin oğlu
Mətbəx mebelləri
Hindistanda sərnişin təyyarəsi qəzaya uğradı, 191 nəfər...
2014-Klaç çanta modelləri
Türkiyə girov işinə qarışdı
Nə üçün gizli günahlardan qorxuruq?
Köhnə əşyaları dekorasiyada istifadə etmək
Gələcəyin materialı təhlükəlidir
Prezident və xanımı açılış mərasimində - FOTO
Müdafiə naziri veteranları təbrik etdi
Bakıda dörd yeni doğulmuş körpə həkimlərdən COVID-19-a yoluxdu - AÇIQLAMA
Adriana Lima İlk dəfə Həqiqi Sevgisini açıqladı-FOTO
Sevgilisinin bəyəndiyi ulduza bənzəməkçün 30 əməliyyat etdirdi, sonra da...
Bülent Ersoy bu görünüşü ilə ona bənzədildi-FOTO
Sandra Ballokdan ŞOK ETİRAF
İkiayaqlı inək doğuldu
800-ə yaxın yeni ad lüğətə daxil ediləcək
Peroşki (foto resept)
“Hubble” gözəgörünməz qara dəlik aşkar etdi - VİDEO
Düşmənin hücum cəhdinin qarşısı alındı: Döyüş texnikası və canlı qüvvə itirən ermənilər geri çəkilir - RƏSMİ
Qadın.Netin-kalori cədvəli
Bişmiş kəsmiklə qızardılmış çörək(foto resept)
Əllərə necə qulluq etməli?
Azərbaycanın 7 boksçusu Avropa çempionatının 1/4 finalına yüksəlib
Məşhur futbolçu çoxarvadlı olduğunu Etiraf etdi-FOTO
Evdə keratin baxımı
Dırnaq əti üçün maska
Fil təsvirli əşyalar
Azərbaycanda koronavirusa yoluxanların sayı kəskin artdı
Əhvalı yüksəldən məşğuliyyət
- ŞƏRHLƏR