Bakıda qəribə avtobus dayanacaqları quraşdırılıb. Bu barədə Facebook sosial şəbəkəsində fotolar yayılıb. Fotolarda görmək olur ki, yeni sarı rəngli dayanacaqlar avtobus maketindən ibarətdir.
Yeni quraşdırılan avtobus dayanacaqlarını Binəqədi rayonu ərazisində, Sulutəpə qəsəbəsinə gedən yolda, Hökməli dairəsi yaxınlığında görmək olar.
Məsələ ilə əlaqədar Bakı Şəhər İcra Hakimiyyətilə əlaqə saxladıq. Qurumda avtobus dayanacaqlarna nəzarət şöbəsinin müdiri Telman Qasımovun ANS PRESS-ə verdiyi məlumata görə, həmin dayanacaqlar “Təmiz Binəqədi” layihəsinin tərkib hissəsidir.
Qurum rəsmisi bildirib ki, ümumiyyətlə, paytaxt ərazisində Avropa Oyunları ilə əlaqədar bütün avtobus dayanacaqları təmizlənir. Sınmış dayanacaqlar təmir olunur. Yaranmış bütün qüsurlar aradan qaldırılır.
Mənbə: Milli.Az
XƏBƏR LENTİ
- ŞƏRHLƏR