2010-cu ilin yanvarında Azərbaycana bir erməni ailəsi pənah gətirdi.Lent.Az-ın xəbərinə görə, Ermənistan vətəndaşları olan Yeğişe, Ruzanna, Alfred, Qayane və Petros Gevorkyanlar bir ailənin üzvləri olublar.
Dünən Azərbaycan o erməni ailəsini beynəlxalq təşkilatların xətti ilə ölkəsinə yola saldı. Amma erməni xisləti və Ermənistan hakimiyyətinin öz vətəndaşları ilə danışdığı qorxu dili bu dəfə də özünü göstərdi. Ölkəsinə qayıdan ailəni medianın qarşısına yığıb şou düzəldən Ermənistan hakimiyyəti burdan geri qayıdanlara “xüsusi mətn” də əzbərlədib. Amma, görünür, mətni yazanlar dedektiv janrında çox oxuyublar. Yox, yox, onlar vaxtilə, hətta indi də azərbaycanlı girovların başlarına açdıqları oyunlardan ibarət bir mətn yazıblar və onu bu ailəyə oxutdurublar. Onlar qeyri-adi heç nə etməyiblər. Sadəcə, öz etdiklərini, öz əməllərini azərbaycanlıların adına yazıblar və bu biçarələrə “tutuquşu kimi” əzbərlədiblər, onları kameralar önündə oynadıblar.
Qayıdaq, bu erməni ailəsinin Azərbaycana sığınma hekayəsinə. Azərbayacana sığınanda Yeğişe Gevorkyan deyirdi ki, onlar Naxçıvanın Sədərək rayonu tərəfindən erməni postunu yarıb Azərbaycan tərəfə keçiblər: “Bizim sərhədçilər maşında körpə uşaqların olduğunu bilsələr də, atəş açdılar. Həmin vaxt qızım Qayane yaralandı. Amma biz Azərbaycan postuna çatanda mən dayandım. Onlar maşında ailəmin olduğunu görəndə bizə atəş açmadılar. Sonra sizin tərəfə keçdik”.
Gevorkyan Yegişe həyat yoldaşı Mardanyan Ruzanna və ailəsilə birlikdə Azərbaycana keçdikləri gün 2010-cu ilin yanvarın 10-da Ermənistana qayıtmaqdan imtina edib, üçüncü ölkəyə göndərilmələri üçün Azərbaycan hökumətinə yazılı müraciət ünvanlayıb.
Bu gün isə geri qayıdan ailənin başçısı deyib ki, onlar burda “qul, kölə vəziyyətində” yaşayıblar. Onları “döyüblər”, “elektrik cərəyanına qoşublar”.
Ruzanna Gevorkyan isə bu “dözülməz şərait”də, “gecələməyə yeri olmadığı” halda hamilə qalmağa da imkan tapıb. Hətta onu “abort etməyə məcbur ediblər”.
Ailə başçısı Gevorkyana isə daha fantaziyalı bir mətn yazılıbmış. O, hətta “Manvel Saribekyanın asıldığını da bilib”.
Ailənin qızı Eqişe isə iddia edib ki, onlara “soyqırım olmadığını deməyə” məcbur ediblər. Axı kimə deyəcəkdilər bunu? Azərbaycanlılar erməni demədən də soyqırım olmadığını, bu ermənilərin uydurması olduğunu bilirlər. İkincisi, bu ailə karantin altında, xüsusi himayə ilə saxlanılıb. Beynəlxalq Qızıl Xaç Komitəsi ailə ilə görüşlərini, onlara baş çəkməsini təsdiq edən onlarla xəbər yayıb. Bunların heç birində bu danışılan “dəhşət hekayələri” əksini tapmayıb. Və bu ailənin Azərbaycana sığınmasından 4 ay deyil, 4 il keçib.
Orta “obıvatel” gözü belə bu ailəyə Ermənistanda, yoxsa Azərbaycanda daha qayğı ilə davranıldılğını görür. Bunun üçün 2010-cu ildə Azərbaycana gələrkən və indiki şəkilləri müqayisə eləmək yetər. Dörd il öncə aclıqdan üzləri saralmış adamların indi bəyanat verəcək qədər çəkiləri artıb. Bu dediklərini yaşayan adamlar necə olur ki, sağ-sağlam, fiziki cəhətdən gumrah, hətta kilo almış vəziyyətdə kamera önünə çıxırlar? Amma Ermənistan hakmiyyətinin şou düzəltmək üçün hər gün televiziyalarında, saytlarında yeni şəkillərini yaydığı kəlbəcərli girovları isə qoluna girən erməni əsgəri bir yerdən başqa yerə gətirir. Bütün video görüntülərdə Dilqəm Əhmədov və Şahbaz Quliyevin cəmi bir neçə ay içində nə qədər çəki itirdikləri, işğəncələrə görə addım ata bilməyəcək halda olması açıq görünür. Bunu görmək və müqayisə eləmək üçün Ermənistanın indiki hakimiyyətindən bir az ağıllı olmaq yetir.
Erməni ailəsinə bu gün oxutdurulan bu mətnlər danılmaz bir həqiqəti ortaya qoyur: Bu ailələrə o bəyanatı verməyə məcbur edən bugünkü Ermənistan rəhbərliyi azərbaycanlı əsir və girovlara o dəhşətli, tükürpədici, insanlıq üçün təhqir olan işğəncələri verən şəxslərdi. Onlar belə hesab edirlər ki, girovla, köməksiz şəxslə belə davranılır. Çünki xislətləri budu, hər kəsi özləri kimi bilirlər və ona görə də “belə dəhşət hekayələri” uydururlar. Onlar başqa cürünü bacarmırlar, görməyiblər.
Və onlar bu gün də belə davam edirlər. Öz doğma torpağını, evini ziyarətə gedən Həsən Həsənovu güllələdilər, Dilqəm Əhmədov və Şahbaz Quliyevə ağır işğəncə verdikləri kadrları çəkib televizya kanllarında şou düzəltdilər. Beynəlxalq hüququ ayaq altına alıb girovlara “məhkəmə” düzələltdilər.
Bu arada Ermənistanın Əsir, girov və itkin düşmüşlər üzrə Komitəsinin nümayəndəsi Andranik Mkrtumyan bildirib ki, ailənin sərhədi keçmə səbəbləri və hadisənin təfərrüatları müəyyənləşdirilir. Yəni ailənin həbs təhlükəsi var. Yeri gəlmişkən, axı Gevorkyan ailəsi Azərbaycana sığınanda Ermənistan ailənin başçısı Yegişenin “cani” olduğunu, barəsində cinayət işi olduğunu da qeyd etmişdi. Yəqin indi o iş də yenilənəcək.
Bu, bir ölkənin rəsmi qurumunun öz vətəndaşına olan təhdididir. Onu şou göstərmək, yalan üfürmək üçün hələ istifadə edəcəyinin mesajıdı. Bu, həm də Ermənistan hakimiyyətinin ermənilərin öz ölkələrindən kütləvi imtina edib Azərbaycana sığınmalarından olan qorxunun etirafıdır. Guya “önləm” alırlar.
Azərbaycanda indi də 30 mindən çox erməni yaşayır. Onlara qarşı heç bir disskriminasiya yoxdu. İndiyə qədər bu ölkədə bir nəfər də erməni olduğu üçün disskriminasiyaya məruz qalmayıb, buna görə məhkəməyə müraciət etməyib. Bu, reallıqdı!
Və bu qədər açıq, informasiyalı dünyada bunu beynəlxalq təşkilatlar da bilir, Ermənistanda yaşayan sadə ermənilər də. Belə oyunlar Ermənistan hakimiyyətinin nə qədər ucuz şouya möhtac olduğunu göstərməkdən başqa bir işə yaramaz…
Mənbə: Milli.Az
XƏBƏR LENTİ
Bu yeməklər yuxuya təsir edir
Havanın temperaturu 0 dərəcəyə qədər enəcək – PROQNOZ
Öldükdən sonra Facebook hesabınız necə olacaq?
Bakıda yenidən zəlzələ gözlənilir?
Təqaüd tələbənin nəyinə yetəcək?
Facebook-dan qalmaqallı yenilik
Azərbaycanda güclü dolu yağıb: avtomobillər də əzilib
"Nissan" 42 mindən çox avtomobili geri çağırıb
Ölən qadının evindən 82 it tapıldı - FOTO
Ledi Qaqa fanatlarını söydü-SƏBƏB
Üç müğənniyə “Xalq artisti” fəxri adı verildi - Sərəncam
Su çərşənbəniz mübarək!
Nazirdən müəllimlərin sertifikasiyası ilə bağlı AÇIQLAMA
Obsesiv, kompulsiv pozğunluqlar
Qadın.Netlə bağlı ən xoş xatirələrimiz (2)
Orqanlarınızın ehtiyacı olanlara bağışlanmasını vəsiyyət edərdinizmi?
İTV “Səs Azərbaycan”ın lisenziyasını aldı
Prezident ailəsində xoş gün
Balıq ləvəngi (foto resept)
Yataq dəstləri
Ana-bala eyni geyimdə
Toyuqlu göbələk sote (foto resept)
Möhtəşəm binalar
Avro kəskin ucuzlaşacaq
Məsafəli sevginin 15 incə məqamı
Rəngarəng ayaqqabı modelləri (2)
Dünyada ən uzun şüşə körpü açıldı
Günün ulduz falı
Qısqanclığın səbəbləri
Ət kətəsi (foto-resept )
Ağciyərlərinizi qoruyun
Maykl Bolton bütün dünyaya İçərişəhəri göstərdi - FOT
Dünyada hansı ölkənin pasportu daha etibarlı və güclüdür?
Antidepressant məhsullar
Dadlı peçenye (foto resept)
Qızılaxtaran axtardığını tapdı
Regionda ən geniş tədbirlərdən olan "Xəzər İnşaat Həftəsi" gələn ay keçiriləcək
Sabahdan hava kəskin dəyişəcək - XƏBƏRDARLIQ
Türk futbolçu Azərbaycan klubuna keçdi
Brayl klaviaturalı ilk telefon
Fərqli badımcan kürüsü (foto resept)
Kraliça gəlini ilə qatarla yola çıxır - FOTO
Eşşək südü və insan sağlamlığındakı əhəmiyyəti
Ünvanlı sosial yardımla bağlı YENİLİK
At şabalıdı
Bu il uşaqları I sinfə gedəcək valideynlərin nəzərinə
56 yaşlı Culianna - FOTO
İxtisas seçimi başladı
Rusiyalı alimlər yeni göbələk növü tapdı
Prezidentin köməkçisindən Fransaya SƏRT REAKSİYA: “Ermənidən daha çox erməni olmaq istəyir”
- ŞƏRHLƏR