Hər kəs yorğunluqdan şikayətlərinir. İldə 20-30 günlük məzuniyyətlərdə də tam dincələ bilmirik. Yorğunluq çıxmır canımızdan. Bəs bəşəri yorğunluğun səbəbi nədir?
Milli.Az xəbər verir ki, müasir cəmiyyətdəki 10 tendensiya bizi dincəlməyə qoymur. Həyatın ritmi bizi daim gərginlikdə saxlayır. Stress, zərərli vərdişlər, yuxu çatışmazlığı, hiperdinamiya yorğunluğun əsas səbəbləridir. Bu hər kəsə bəlli olan həqiqətlərdir. Ancaq bəzən "xırda" məsələlərə o qədər diqqətsiz yanaşırıq ki, onlarsız həyatımızın daha da rahat ola biləcəyini düşünmürük. Ən mühüm faktorlar aşağıdakılardır:
1. Hər dəqiqə xəbər lentini izləmək.
Hər şeyin fərqində olmalıyıq. Sosial şəbəkələrdə xəbərləri müzakirə edirik. Xəbər saytlarını izləyirik. Bu gün hadisələrdən xəbərdar olmamaq bəzən utandırıcı olur. Bu səbəbdən həmişə nəsə yeni bir şeylər axtarırıq. Ancaq axtardıqlarımız faydalı və ya lazımlı olmur. Özümüzü fiziki və mənəvi cəhətdən yoruruq. Buna baxmayaraq, həmişə bizdən daha çox məlumatlı biri olur.
2. Daima ünsiyyətdə olmaq
Müasir dünyanın vacib tələblərindən diri də budur. O qədər öyrəşmişik ki, mobil telefonu evdə qoyanda dəhşətə gəlirik. Çox vaxt telefonu evdə qoymaqdansa, görüşə və ya işə gecikməyi üstün tuturuq.
Daima zəng gözləmək psixikamızı yorur. Eşitmə mərkəzləri daima gərginlikdədir. Axı metronun, maşınların səs-küyü ucbatından telefonun zəngini eşitməyə bilərik. Bu səbəbdən də hər axşam heç olmasa bir saatlıq "sakitlik vaxtı" elan etmək lazımdır. Evdə telefonu söndürün. Sakitlikdə oturub özünüz haqda düşünün. Bir saatlıq başqa heç nə haqda fikirləşməyin. Zənglərə bir saat sonra cavab versəniz, dünya dağılmayacaq.
3. Həmişə yaxşı əhvalda olmaq istəyi
Müasir cəmiyyətin trendlərindən biri də budur - "Məndə hər şey qaydasındır!"
Daima təbəssümlü olmaq məcburiyyəti, hər şeyin yaxşı olduğu barədə özünü və başqalarını aldatmaq müasir insanın əsəb rıçaqlarının qopması üçün əsas vasitədir. Buna hətta "gülümsəyən depressiya adı da veriblər.
Psixoloqlar məsləhət görürlər ki, bəzən yalançı təbəssümü unutmaq lazımdır. İnsanlar qarşısında həmişə yaxşı əhvalda görünmək kimi bir öhdəliyiniz yoxdur. Bəzən özünüz kimi olun.
4. Maşınlara həddən artıq bağlılıq.
Gecikmənin qarşısını alan avtomobillər adətən insanların qıcıqlanmasına, yorulmasına daha çox səbəb olur. Bizi özümüzdən çıxaran tıxaclar əsəblərimizi də korlayır. Həm də tək əsəblərimizi yox.
Sükan arxasındakı saatlarla çəkən gərgin poza əzələlərin də sıradan çıxmasına səbəb olur. Beyindəki qan dövranını zəiflədir. Sonra da işə çatırıq və eyni pozada kompüter arxasında otururuq. Orqanizmin daima eyni pozada olması ağrılara səbəb olur. Çıxış yolu sadədir. Hər saatdan bir duraraq mini idman hərəkətləri etmək.
5. Təbiət qoynunda az-az oluruq
Günəş radioaktivliyi, böyük şəhərlərdə oksigen çatışmazlığı və digər bioloji faktorlar da yorğunluğumuzun əsas səbəbidir. Bundan tam olaraq yaxa qurtarmaq olmasa da, bəzi üsullar yardımınıza gələcək. Misal üçün, gəzinti zamanı yol qırağını deyil, parkları və həyətlərin içini seçin.
6. Az su içirik
Su çatışmazlığı da daimi yorğunluğumuzun əsas səbəblərindən biridir. Burada söhbət nə Cola, Fanta və ya başqa içkidən, o cümlədən çay və kofedən getmir. Məhz su çatışmazlığı. İnsan gün ərzində 2 və ya 2,5 litr su içməlidir.
XƏBƏR LENTİ
