Milli.Az Kanal S-ə istinadən xəbər verir ki, son dövrlər Azərbaycanın şimal bölgəsinin kəndlərinə ayı hücumu ilə bağlı tez-tez xəbərlər eşidirik. Bu heyvanların vurulmasının qadağan olunması və kənd əhalisində olan silahların yığılması belə yırtıcıların daha da artmasına gətirib çıxarıb. Belə başıbəlalı kəndlərdən biri də Şəkinin Baş Zəyzid kəndidir. Şəkinin Baş Zəyzid kəndi sakinləri yenə dəvətsiz qonağin qurbanına çevriliblər. Kəndin yuxarı hissəsində yaşayan əhalinin bir qismi heyvanlarını örüşə göndərə bilmir. Çünki mal-qaranı otlağa sürmək sadəcə olaraq gedər-gəlməzə göndərmək kimi bir şeydir. Ya gələr, ya gəlməz... Əhalinin sözlərinə görə, son 2-3 ay ərzində təqribən 10-15 iribuynuzlu mal-qara vəhşi heyvanların ovuna çevrilib. Bu azmış kimi sakinlər həyətlərində bitən mer-meyvəni də sadəcə olaraq kənardan seyr edirlər. Kənd icra nümayəndəliyindən isə bizə bu barədə məlumatlı olsalar da, hələlik heç bir şikayət daxil olmadığını bildirdilər. İcra nümayəndəsi məsələyə yalnız bir neçə gün sonra baxıla biləcəyini qeyd edib. Ancaq öldürülməsi qadağan olunan ayıya qarşı necə mübarizə aparılacağı hələlik sual doğurur.
Mənbə: Milli.Az
XƏBƏR LENTİ
