![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Milli.Az Kəpəz TV-yə istinadən xəbər verir ki, genişzolaqlı internetin inkişafı layihəsi çərçivəsində yeni optik kabellərin çəkilişi 2013-cü ilin sonuna qədər şəhərin Məhsəti, Natavan, Cavadxan qəsəbələrində həyata keçiriləcək. Gəncə Telekommunikasiya İdarəsi tərəfindən hazırda qəsəbələrdən 2-də optik kabellər çəkilib, digərlərində isə işlər sifariş olunan avadanlıqlar gətirildikdən sonra davam edəcək. Gəncədə genişzolaqlı internetin inkişafı layihəsi çərçivəsində işlər sürətlə davam edir. Şəhərin Məhsəti qəsəbəsində 5 km uzunluğunda magistral optik kabellər çəkilib, hazırda daxili şəbəkə sisteminin qurulması üçün qazıntı işləri gedir. Qəsəbədə 192 nömrə, 128 ADSL tutumlu 2 optik paylayıcı qutu quraşdırılacaq. Natavan qəsəbəsində isə 7.5 km uzunluğunda magistral optik xətlər çəkilib. 256 nömrə tutumlu optik paylayıcı qutu sifariş olunub. İş icraçısı Arif Məmmədov: “Məhsəti və Natavan qəsəbələrində işlər görmüşük. Optik kabellərin və paylayıcı qutuların qazıntılarını həyata keçirmişik, yaxın vaxtlarda daxili kabellər və qutular gətirildikdən sonra sakinlərə telefon buraxılışını təmin edəcəyik”. Gəncə Telekommunikasiya İdarəsinin baş mühəndisi İsrail Məmmədovun bildirdiyinə görə, genişzolaqlı internetin inkişafı layihəsi çərçivəsində ilin sonuna qədər 4 qəsəbə tamamilə optikləşəcək. Şəhərin 3112 ADSL tutumu təkcə bu 4 qəsəbənin hesabına artırılaraq 4500-ə çatdırılacaq. Bildirək ki, 3 illik genişzolaqlı internetin inkişafı layihəsi nəticəsində idarənin ADSL tutumu 44440-a çatdırılacaq, şəhərdə optik paylayıcı qutular quraşdırılacaq.İsrail Məmmədov: “Gəncədə şəhər telefon şəbəkəsində rekonstruksiya işləri gedir və bununla bağlı 75 optik paylayıcı qutuların tikilməsi, quraşdırılması nəzərdə tutulub. Bu da optik kabellərin əhaliyə yaxınlaşdırılması, yəni mərkəzi ATS-lərin yerində qalmaqla mis kabellərin optik kabellərlə əvəz olunması deməkdir”. Digər iki yaşayış məntəqəsi, Cavadxan və Sadıllı qəsəbələrində də optikləşmə işləri görüləcək. Hər iki qəsəbədə ümumilikdə 5.8 km uzunluğunda optik kabel çəkiləcək, 3584 yeni nömrə istifadəyə veriləcək. Onu da əlavə edək ki, Cavadxan və Sadılllı qəsəbələrində 2 yeni elektron ATS tikiləcək. Cavadxan qəsəbəsində olan ATS binasının oktyabrın 15-ə qədər tam təhvil verilməsi nəzərdə tutulub.
Mənbə: Milli.Az
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]