Təhsil Nazirliyi bu il birinci sinfə gedəcək şagirdlərin sayını açıqlayıb
Trend-in Təhsil Nazirliyinin saytına istinadən verdiyi məlumata görə, 2013-2014-cü tədris ilində ümumi təhsil məktəblərində I sinfə gedəcək şagirdlərin gözlənilən sayı 141 166 nəfərdir. Onlardan 74 998 nəfəri oğlan, 66 168 nəfəri qızdır.
2012-2013-cü tədris ilində isə ümumi təhsil məktəblərində I sinif şagirdlərinin faktiki sayı 135 541 nəfər olub (73 182 oğlan, 62 359 qız).
Məlumata görə, xüsusi istedada malik uşaqların vaxtından əvvəl I sinfə qəbulu ilə bağlı proses artıq başlanılıb. İndiyədək 2300 nəfərdən çox valideynin ərizəsi qeydiyyata alınıb, 600 nəfərdən yuxarı uşaq müsahibədən keçirilib, onlardan təxminən 50 faizinin I sinfə qəbuluna razılıq verilib. Bununla belə, ərizələrin qəbulu davam edir və avqustun 20-də başa çatacaq.
Ən çox müraciət Bakı şəhərindəndir. Gəncə, Sumqayıt, Mingəçevir şəhərlərindən, Abşeron, Qazax, Şəki, Tovuz, Zərdab, Yevlax, Goranboy rayonlarından da müraciətlərin sayı digər bölgələrə nisbətən çoxdur.
Ümumiyyətlə, avqustun 12-nə olan məlumata görə, respublika üzrə müraciətlərin sayı 4000-dən artıqdı
Mənbə: Milli.Az
XƏBƏR LENTİ
- ŞƏRHLƏR