Hər birimiz duzun nə qədər ziyanlı olduğunu bilsək də onsuz keçinə bilmirik. Gündəlik isifadəsi nəzərdə tutulan miqdardan hardasa 2-3 dəfə artıq duzdan isitifadə edirik. İndi sizlərə təqdim edəcəyim məsləhətləri yerinə yetirsəniz, duzdan istifadəni həm azaltmış, həm də ləzzətli yeməklər hazırlamış olacaqsınız. Mütəxəssislər 1 çay qaşığı duzun tərkibində təxminən 2,4 qram natrium olduğunu qeyd edirlər. Belə ki, Amerika Tibb Universitetinin alimləri qeyd edirlər ki, 19-50 yaşlı insanların gündəlik Na ehiyacı 1,5 qramdır. Natriumun çox istifadəsi bədəndə artıq maye tutumuna, yüksək qan təzyiqinə və damar tutulmalarına səbəb ola bilər.
Duzdan istifadə etmədən də ləzzətli və qidalandırıcı yeməklər hazırlamaq mümkündür.
1. Salatları duzdan istifadə etmədən bəzəyin və marketlərdən MSG (mono sodium glutamat) tərkibli salat souslarından istifadə etməyin. Bunun əvəzinə salatın üzərinə limon suyu sıxıb, zeytun yağı gəzdirin. Ya da klassik sirkə və yağ kombinasiyasından ibarət sousdan istifadə edə bilərsiniz.
2. Kartof püresinin duza ehtiyacı yoxdur. Az yağlı süd, duzsuz yağda qovrulmuş sarımsaq, acı və ya şirin bibər tozu əlavə edin.
3. Düyünü yağ əlavə etmədən yalnız suda bişirin. Sonra duru yağda qovrulmuş soğan və göbələkdən hazırlamış olduğunuz sousla bəzəyin.
4. Ləziz şorbalar hazırlayan zaman qazana və ya saxsı qaba cirə, istiot, zəncəfil və s. kimi sevdiyiniz ədviyyatları əlavə edin. Bundan başqa, blenderlə xırda doğranmış sarımsaq və soğan da elavə edib şorbanı ləzzətləndirə bilərsiniz.
5. Sevimli spaqettiyə duz, kəklikotu, rozmarin və sarımsaqdan hazırlanmış sousla əvəz edin.
6. Ət, balıq, toyuq kimi məhsulları bişirməzdən azı 1 saat əvvəl təzə pomidor və ya sıxılmış limon, portağal, qreypfrut, naringi suyunda basdırma edin. Bunu zeytun yağına əlavə olunmuş müxtəlif ədviyyatlar, təzə bibər və sirkədən hazırlanmış qarışıqla da əvəz etmək olar.
7. Sobaya qoyacağınız ərzağın üstünə cirə, soğan və yeralması dilimlərini qoya və müxtəlif ədviyyatlardan istifadə edə bilərsiniz.
8. Yağda bişirdiyiniz yumurtanı və ya omleti təzə soğan, pul bibər, kəklikotu və qara istiotla bəzəyib sağlam qidalana, həm də çox ləzzətli qida əldə edə bilərsiniz.
XƏBƏR LENTİ
- ŞƏRHLƏR