Aşağıdakı xırda şeylər hər gün sizin sevincinizi əlinizdən alır:
Sara Hansen adlı yazıçı və psixoloq hesab edir ki, bədbəxtliyin çox sayda çalarları vardır. O şəxsən bu cür çalarlardan 50 xüsusiyyət aşkar etmişdir ki, bu davranışlar həmişə bizə mənfi təsir etməkdədir. Biz bu xanımın məqaləsindən çıxarışlar edərək, qısa şəkildə şərh verərək siz əzizlərə təqdim edirik və ümid edirik ki, bu xüsusiyyətləri həyatınızdan rədd edərək daha xoşbəxt yaşayacaqsınız.
1. Siz hər zaman narahatsınız
Narahatçılıq elə şeydir ki, insanı hərəkət etməyə qoymur, düzgün qərar qəbul etməyə imkan vermir. Ona görə də bacardığınız qədər özünü rahatlaşdırmağa və fikrinizi bir yerə toplamağa çalışın.
2. Siz hər şeyi öz nəzarətiniz altında saxlamaq istəyirsiniz
Hərdən adamlar elə güman edirlər ki, bu həyatda baş verən hər şeyi öz nəzarətləri altında saxlaya bilərlər. Bilirsinizmi, bu məsələ, hətta ən güclü adamın belə, qüdrətindən xaricdir. Biz özümüzdən başqa heç nəyi idarə edə bilmərik. Odur ki, fikrimiz özümüzdə olmalıdır.
3. Tez-tez inciyirsiniz
İncimək bir zəhərə bənzəyir ki, içib başqasının ölümünü gözləyirsən. İnciklik ancaq sizə neqativ təsir bağışlayır. Bunu unutmayın, inciyən, küsən siz olursunuz, lakin əks tərəf bəlkə də həyatdan zövq almaqla məşğuldur. Düşünün, buna dəyərmi?
4. Düşünürsünüz ki, hamı sizin qaydalar əsasında hərəkət etməlidir
Anlayın ki, dünyanın sizin qayda-qanunlardan heç xəbəri də yoxdur. Bunu nə qədər tez başa düşsəniz, bir o qədər xoşbəxt olarsınız. Əkər insanlar inciyir ki, nə üçün başqaları onların meyarları əsasında həyat sürmürlər. Halbuki siz insanları olduqları kimi qəbul etməlisiniz. Şübhəsiz ki, siz özünüz də başqalarının qanunlarına uyğun olaraq yaşamaq istəməzsiniz.
5. Siz özünüzü başqaları ilə müqayisə edirsiniz
Biz həmişə bu oyunu oynayırıq. Məsələn, kiminsə həyatından bir hissəni götürüb öz həyatımızla müqayisə edirik. Məsələn, mən özümü hansısa məşhur bir futbolçu ilə müqayisə etdikdə özümün ondan daha pis oynadığının şahidi olacağam. Amma nə biləsən, bəlkə mən ondan daha yaxşı rəsm çəkə bilirəm? Nəticə budur ki, müqayisə meyarımız səhvdir. Əgər siz müqayisədən əl çəkə bilmirsinizsə, onda belə edin: Müqayisə edin, bu gününüz dünənki gününüzdən fərqlidirmi?
6. Düşünürsünüz ki, arzularınız həyata keçsə, siz xoşbəxt olacaqsınız
Kimsə deyir ki, mən yüz milyon manat qazansam, xoşbəxt olacağam. Başqa birisi deyir ki, filan maşını alsam, xoşbəxt olacağam. Amma başqa birisi deyir ki, ailəmlə bu gün şam etsəm, xoşbəxt olacağam. Sizcə bu şəxslərdən hansı biri daha xoşbəxtdir? Əlbəttə, böyük hədəflərin olması əladır. Ancaq bunlar gerçəkləşməyə də bilər. Odur ki, bu günün, indiki zamanın kefini çıxarın.
7. Siz bir “stəkansınız” ki, həmişə yarı hissəniz boşdur
Əgər siz pessimissinizsə və həmişə pis şeylər haqda düşünürsünüzsə, bütün bunlar həyatınızın gerçəkliyinə çevriləcəkdir. Ona görə də çalışın insanların yaxşı xüsusiyyətlərini görəsiniz, ətrafınızda gözəlliklər gözünüzə sataşsın.
8. Siz tənhasınız
İnsan sosial varlıqdır. Bundan imtina etmək mümkün deyil. Bir gün ayılacaqsınız ki, tənhasınız, əzginsiniz. Bu durumu dəyişmək lazımdır. Ona görə də insanlar olan yerlərə gedin. Öz fikirlərinizi başqaları ilə bölüşün, insanlara yardım edin, söhbətləşin. Görəcəksiniz ki, özünüzdə nə qədər yüksək əhval-ruhiyyə tapırsınız.
Ardı var....
XƏBƏR LENTİ
- ŞƏRHLƏR