Yollar, küçələr sudur canlı-cansız nə varsa
Damcılardan islanır hamı harasa qaçır.
Gizlənməyə yer tapır, çətiri olanlara yağış bata bilməyir
Pəncərə arxasından gözlərim hey izləyir.
İsti otaq, isti çay
Mən bayıra baxıram.
Titrəyən insanlara kömək etmək istərdim
Romantik həzin yağış səni belə bilməzdim.
Demək belə güclüsən? Amma çox sevimlisən
Şairlər, bəstəkarlar səndən ilham alıblar
Bəlkə yalan deyirəm?
Sən ey şair yağışım, ey bəstəkar yağışım,
Pəncərəmin şüşəsi qəribə naxış alıb
Gördüklərim qəribə, qarışıq görkəm alıb.
Birdən mən onu gordum, yamanca islanıbdır
Nə bir yerə tələsir, nə də ki, çətiri var
Bu nə qəribə qızdır? Gözəl görünüşü var.
O yağışa yaraşır, yağış ona yaraşır
Uzun qara saçları, əynindəki libası
Yamanca islanıbdır.
Telindən süzülən su, üz-gözünə yayılır
Bütün fikrim-nəzərim
Dikilibdir bu qıza.
Ürkək nəzərlər ilə ətrafına hey baxır
Çiyinləri titrəyir, görəsən ağlayırmı?
Yox, soyuqdan titrəyir.
Mən saata baxıram, əqrəblər tıqqıldayır
Tıqqıldayan əqrəblər, zamanı kəsib gedir.
Bayıra boylanıram
Qız hələ də ordadır.
Gor necə bir haldadır
Niyə belə edir o?
Yoxsa belə etməklə
Intiharmı edir o?
Qolundakı saata
Baxmaqdan da yorulub.
O baş-bu başa gedir
Keçən dəqiqələrdə ömür də, gün də gedir.
Mən də onunla birgə burda var-gəl edirəm
Onun gözlədiyi an gəlib çatdı deyəsən
Mən onu seyr edirəm.
Yanında bir gənc də var
Əynində gödəkçəsi, əlində çətiri var.
Əllə-qolla danışır, coşub-daşır, alışır
Yazıq qızın qəlbini, ümidlərin yandırır.
Macal vermir danışsın
Elə hey sözün deyir
Qiz islanır yağışda
O çətir altındadır.
Heç nə vecinə deyil
Əlindəki dəftəri qıza sarı uzatdı
Son sözünü deyirdi.
Deyib-danışan oğlan gəldiyi kimi getdi
Qızın xəyalları da onunla birgə itdi.
Sakitcə durmuşdu qız
Gözdən itən maşının arxasınca baxdı qız.
Barmaqları sustaldı
Yaman sarsılmışdı o.
Düşdü dəftər əlindən
Kiçıcık gölməçəyə
Vərəqləndi vərəqlər
Vərəqlər arasında solmuş qızılgül də var.
İllərin xatirəsi, əzəmətli sevgisi
Bu güllə soldu getdi.
Gözləri buludlandı
Buludlara qoşulub
Qız da leysan axıtdı.
İslanmış dəftərində, o solmuş al çiçəkdə
Bir gəncin duyğuları, məhəbbəti var idi.
Çıxıb getdi gözəl qız,
Gözdən itdi gözəl qız.
Ayaqlanırdı dəftər, tapdanırdı o çiçək,
Qızın arzularıtək, qızın ləyaqətitək.
XƏBƏR LENTİ
- ŞƏRHLƏR