Su aydınlıq, bərəkətdir
Sudan kömək uman, gözəl
Dara zülfün at sulara,
Yoxa çıxsa guman, gözəl.
Su qıvrılar ilan kimi,
Bağrın yemiş yalan kimi.
Mənim ülvi , saf eşqimi
Etdin elə dastan, gözəl.
Suya həsrət qalan ağlar,
Dərdin suya salan ağlar,
Sənsiz könlüm vərəm bağlar,
Rəhmin olsun aman, gözəl.
Suda sevgi bitirmişəm,
Boya, başa yetirmişəm,
"Hə" kəlməsin itirmişəm,
Tapacağam haçan, gözəl?...
Küsür gəncliyim...
Sevgi deyən bir nemətdir,
Qəlbi yumuşaq, özü sərtdir,
Susmaq özü cinayətdir
Dillən bir söz de - inciyim.
Mənə dövlət lazım deyil,
Öyünmürəm - azım deyil.
Sənin eşqin, düzmü deyil,
Həm mirvarim, həm də incim.
Saçlarıma düşsə də qar,
Ötsə neçə payız, bahar,
Qara geysə boz buludlar
Sən olarsan sevdiciyim.
Günlər ötür, dolaşır ay,
Yaş götürür ömürdən pay.
Qocalıram subay - subay
Küsür məndən öz gəncliyim...
(Atamın şeirlərindən...)
XƏBƏR LENTİ
- ŞƏRHLƏR