Hamının gözü müttəhhimlər kürsüsündə oturmuş qadına zillənmişdi. Hakim ona indicə söz vermişdi. Qadın qalxdı. Onu adam öldürməkdə ittiham edirdilər. Doğurdan da o öldürmüşdü. Öz ərini, cənab Ceymsi öldürmüşdü. İndi onu mühakimə edirdilər. Qadın vəkildən imtina etdiyindən indi hakimlərə, ittihamçıya, müxbirlərə, açıq məhkəməyə toplaşmış həmvətənlərinə və qohum-əqrəbasına cavab verməli idi.
Qadın sözə başladı: "Mən onu sevirdim. Ona 3 il bundan əvvəl rast gəlmişdim. O zaman mən zəncilərə məxsus kolleci qurtarandan sonra şəfqət bacıları hazırlayan əlavə kursu yenicə bitirmişdim. Çox iş axtarmalı olmadım. Dərhal " Ric Qospital" adlanan xəstəxanaya qəbul olundum. Bu xəstəxana əvvəllər ingilislərə aid idi. İstiqlaliyyətdən sonra həmin xəstəxanada zəncilərin də eyni hüquqla müalicə olunacağını eşidən əsas personal-ingilislər köçüb getmiş, qanalıları müalicədən imtina etmişdilər. Bir neçə pul qazanmaq istəyən həkimdən başqa .Onlardan biri də Ceyms idi. Mən elə bilirdim ki, Ceyms qaraları müalicədən imtina edən həmvətənləri ilə razılaşmadığı üçün Akkarada qalıb. Mən elə bilirdim ki, o hələ ölkəsində milli təbib kursları olmayan qanalılıra acıyıb. O, yüksək insanpərvərlik naminə Akkarada qalıb xidmət edir. Onun üçün irq ayrı-seçkiliyi yoxdur. O, mənim nəzərimdə əsl insan kimi yüksəmişdi.Mən onu xəyalımda ucaltmışdım.Onun ən kiçik arzusu, ən adi istəyi mənimçün bir əmr idi. Bunları elə ürəkdən edirdim ki,o bunu hiss etməyə bilmirdi. Ara sıra-adət etdiyi sadə bir sözü "təşəkkür edirəm" dedikdə bütün yorğunluğumu unudurdum". Qadın bir anliq duruxdu. Zalda xəfif pıçıltı keçdi. Hakim göyümtül dırnaqlı qara barmaqlarını ağ sədəf zəngə basdı, sakitlik çökdü. Qadın özünü ələ alıb, sözünə davam etdi: "Xəstəxanada mənimlə bir növbədə gənc bir qanalı işləyirdi. Biz onunla eyni vaxtda kursu bitirmişdik. O, çox gülərüz sadə bir gəncdi. Hələ kursdan mənə laqeyid olmadığını duymuşdum. Mən də qəlbimdə ona qarşı nə isə xoş bir hissin baş qaldırdığını duymuşdum. Hər ikimiz tez-tez evlilikdən söz açmadan birgə planlar qururduq. Xəstəxanada işlədiyimiz ilk aylar belə keçdi. Lap kursdakı kimi. Amma artıq Ceyms barədı düşünməyə başladıqda gənc dostum ikinci, üçüncü plana keçdi. Artıq o qədər Ceymslə məşğul idim ki, bütüm vaxtım, düşüncə və duyğularım Ceyms idi. Gənc dostuma vaxtım qalmamışdı. Onlar hər ikisi məndə olan dəyişikliyi başa düşürdü. Ceyms gənc dostumdan xəbərsiz olduğundan heç bir düşüncəyə yol vermədən hərəkət edir,tez-tez mənə oxumağa kitablar verirdi. Kitabların çoxu məhəbbətdən, insanlıqdan danışırdı.
Gənc dostum mənim nə isə dəhşətli fəlakətə sürükləndiyimi görürdü. Amma gücsüz idi mən ona heç bir vəd verməmişdim. Qəlblərimizi bir birinə bağlayan heç bir hərəkət etməmişdim. Dostum çox qətiyyətsiz adam idi. Qətiyyətsiz olsa da görünür məni çox sevirmiş. Kaş bir qədər cürətli olaydı...Yox, kömək edə bilməzdi. Mən bütün qızlıq qəlbimlə arzu və xəyallarıml Ceyms haqda qurmuşdum. Dostum bir dəfə hətta məni bu çirkabdan xilas etmək üçün təşəbbüs də göstərdi. Bir axşam mənə yaxınlaşıb dedi:
- Aili ,icazə ver səni ötürüm.
Könülsüzcə razılaşdım. Bunun yaxşı nəticə verməyəcəyini, onun mənə nəsə deyəcəyini duymuşdum. Buna baxmayaraq qayğısız, laqeyid bir görkəm alıb dostumula yola çıxdıq. Biz piyada gedirdik. Küçələr qaranlıq idi. O, bütün yolu susur sanki nəyisə düşünürdü. Elə mən də düşünürdüm. Onun susqunluğuna fikir verəcək halda deyildim. Ürəyim elə bir sevinclə dolu idi ki,bu gün Ceymsdən 3 dəfə "təşəkkür" , bir dəfə də "okey" almışdım.
Qaranlıqda nəyəsə ilişib büdrədim.Dostum cəld qolumdan yapışıb, məni arxdan adladıb qismən genış yerə çıxartdı. Nədən başlayacağını bilmirmiş kimi duruxa duruxa dedi:
-Aili səndən bir söz soruşacaqdım...Sən səhv etmədiyinə əminsənmi?
Özümü bilməməzliyə qoymadım, gizlətmədim. Onsuz da bu söhbət gec-tez olmalı idi. Yaxşısı budur ki, bu gecə qurtaraq. Dedim :
-Düşünürəm...
O, qətiyyətimdən diksindi. Sanki bunu gözləmirdi:
-Nə etdiyini bilirsənmi?
-Bilirəm.
-Təəssüf etməyəcəksən ki? Sonra peşiman olmayacaqsan?
-Yox.
-Onlarla bizimki tutan deyil Aili.
-Zəmanə dəyişib. Həm də o elə adam deyil.
O, səsində açıq kədər duyulan ahəhglə son sözünü dedi:
-Nə olar ki, təki xoşbəxt ol. Amma hər halda mən sənı kömək etmək, səhvini anlatmaq istədim...
-Təşəkkür edirəm.
Bu da mənim son sözüm idi. Mən bununla öz dostuma, onun simasında məni irqimə, xalqıma, ailəmə bağlayan bütün ipləri söküb atdığımı duymadan qəti qərar verdim. Dostum sözsüs-sovsuz getdi.Nə öz məhəbbətindən danışdı nə də ki, Ceymsdən. Kaş o bir qədər qətiyyətli olaydi... Bu işdə mənə kömək edəydi.
Yox mənası yox idi. Heç nə mənə kömək edə bilməzdi. Mən öz hökmümü özüm vermişdim. Gözümə dünyada Ceymsdən başqa heç nə və heç kim görünmürdü. Nə anamım göz yaşları, nə atamın tutqun qəzəbli baxışları, nə də nənəmın qarğışları, qohum-qonşunun tənəsi.
Fikrim, məhəbbətim, arzularım kimi zövqüm də dəyişmişdi. İndi mən qoyun yununu xatırladan saçlarımı bəyənmir, onu at quyruğu kimi düz və cod tüklü pariklə əvəz edirdim. Qəhvəyiyə çalan dodaqlarıml pomada ilə, dırnaqlarımı boya ilə qızardırdım. Müasir modalı paltarları seçir, dar qısa yubka və kofta geyinirdim. Hər şeyi dəyişmişdim. Bircə bu nifrət etdiyim, lakin çarə tapa bilmədiyim üçün utandığım qara dərimi dəyişə bilmirdim. Üzümü, boynumu nə qədər ağ, xoş rayihəli pudra ilə pudralayırdımsa da olmurdu. Ağ pudra qara sifətimdə köhnə divarın qopuq-qopuq əhəngi kimi damğa-damğa qalırdı. Pis silinmiş yazı taxtası!"
Qadın yenə də durdu . Dərindən köks ötürdü və davam etdi...
Ardı var...
Müəllif: Əzizə Cəfərzadə
XƏBƏR LENTİ
Günün ulduz falı
Sabahın HAVASI
Gəlin arzular quraq...
Gündə 10-15 ədəd gilas yeməyin faydası
Addım-addım göz makiajı edək
Dövlət Komitəsinin yas qərarı nə oldu?
Prezident və xanımı ümumxalq şənlikdə iştirak ediblər
Bakıda nəyə görə addımbaşı dayanacaq var?
Leksika - 3
Xanımlar, soğan va sarımsaq yeyin!
Peyvəndin tərkibindəki koronavirus hissəcikləri COVİD-19-a səbəb ola bilər?
Platform ayaqqabılar
Yeni tanışlarla necə ünsiyyət qurmalı?
Qonşu ölkələrdə “Koronavirus qaydaları”na əsasən yeni dərs ili
Hava haqqında - 22.12.2013
Ermənilərin Azərbaycana yeni torpaq iddiası
Çürük diş infarkt riskini artırır? - ŞOK İDDİA
Azərbaycanlı müğənninin toyu: gəlinə 2 milyon avroluq tac
Görmə qabiliyyətinin tam bərpa olunmasının yolu tapılıb
Düşünün və tapın
Ərdoğan Kəlbəcərin azad olunması barədə: “Hamı bölgədəki yeni reallığa uyğun davranmalıdır”
Naxçıvana uçuşların sayı artırılır? - RƏSMİ AÇIQLAMA
"Fənərbağça"nın əfsanəsi qayıdır
Güllərin mənası
Eşq haqqında gözəl sözlər
Əsirlikdən qayıdan gizir başına gələnlərdən danışdı - VİDEO
İşğaldan azad olunan doqquz yaşayış məntəqəsi hansı rayonlara məxsusdur?
AzTV şəhid yaxınlarına və qazilərə müraciət etdi - FOTO
Cavanşir
Çilidə sunami: ölənlər var
Moskvada Dağlıq Qarabağ nizamlamasının aktual məsələləri müzakirə olunub
Bu gündən Azərbaycana turist axını başlayır
Lobyalı tort (foto resept)
Bölgələrimizin mətbəxi -Şəki
Bu qızın əlində tər "yağışı" var-FOTO
Hamiləlikdə dondurma yemək zərərlidirmi?
Anoreksiya xəstəsi olmuşdu - bir də son halını görün - FOTO
Yol polisi kimləri cərimələyə bilməz?
Ölümdən sonra beyin
Az hərəkət psixikaya təsir edir
Ürək təmizliyi nədir?
Bakı ilə Sumqayıt birləşəcək? - EKSPERT RƏYİ
Nəhəng idmançı 472 kq qaldırdı
“Sony” ev işini görən robot buraxacaq
Küçədə siqaret çəkənlər cərimələnəcək - RƏSMİ
Düşmən mülki əhalini hədəfə aldı: Tərtərin kəndi atəşə tutuldu - FOTO
Bu gün Türkiyədə parlament seçkisidir
Orqanizmi təmizləyən və cavanlaşdıran SARI DETOKS
MN: Ermənistana məxsus “Su-25” təyyarəsinin vurulması erməni hərbi təbliğat maşınının növbəti fantaziyasıdır
Vilayət Eyvazovdan yeni TƏYİNAT
- ŞƏRHLƏR