İstədiyin vaxt istədiyin yerdən istədiyin məlumatları dostlarına çatdırmaq və dostlarının məlumatlarına daxil olub münasibət bildirmək, dostlarının məlumatlarını digər dostlarınla bölüşmək üzərində qurulan sistem sosial şəbəkə adlanır.
İnsanlar "Dost-dosta əylənirik" deyib olar-olmaz (Nəyə görə olmaz? Bu sualın cavabını cəmiyyət qaydalarını nəzərə alaraq düşünək) şəxsi şəkillərini, videolarını paylaşmağa başlayıb. Xüsusilə də yeni texnologiyalara meyli olan (qanı qaynayan) gənc kütlə... "Sinif qrupları", "Məktəb qrupları" və bir çox başlıqlar altındakı qruplarda xoşagəlməz hallar, pis yönlü əyləncələr və s. baş alıb gedir. Bəziləri saxta adlarla, bəziləri isə öz adları ilə bu “virtual” mühitdədirlər. Mühit virtual ola bilər, münasibət isə gerçək. Əgər gerçək adınızla məlumat paylaşırsınızsa, bu, başınızı ağrıda bilər. Artıq bir çox şirkətlər işə qəbul zamanı namizədin sosial şəbəkə məlumatlarına da diqqət yetirirlər (bir müddət sonra bu hal bütün ölkələrdə istifadə olunmağa başlayacaq).
Xoş təsir bağışlamayan hallar - müxtəlif səpkili şəkillər, videolar işə girmək istədiyiniz şirkət tərəfindən xoş qarşılanmaya bilər. İnternetdə etdiyiniz hər addım qeydiyyat altındadır. Sizin silməyinizə baxmayaraq, heç bir zaman izini itirməyən məlumatlar sosial şəbəkələrdə var. Odur ki, ”ağıllı olun!”
Bu məsələyə hər kəs, xüsusilə də gənclərimiz diqqət yetirsə, yaxşı olar. Heç kəs düşünülməmiş addım atmasın, çünki sonradan peşman ola bilər. Ancaq ataların belə bir misalı var: "Sonrakı peşmançılıq fayda verməz"...
XƏBƏR LENTİ
- ŞƏRHLƏR