Bəzi ifadələr vardır ki, onları söyləmək nədənsə çətin olur. Nə qədər ki, özümüz valideyn olmamışıq, valideynlərimizin – məcbur qalıb, yuxu və istirahətlərindən imtina etmək, bizi onuncu dəfə yedizdirməyə çalışmaq, göz yaşlarımızı silmək, hər bir addımımıza görə narahat olmaq və hər bir nailiyyətimizə görə şad olmaq kimi hansı sınaqlardan keçdiklərini anlamaq asan olmur.
Bir özünüzü yoxlayın, görün bu ifadələri onlara deyə bilirsinizmi?
1 – Siz mənim ən böyük qəhrəmanlarımsınız
Fentezi və elmi fantastika personajları valideynlərimin yanında heç kimdirlər. Mənim valideynlərim daha qüvvətlidirlər; onlar mənə o qədər xoş xatirələr bəxş etmişlər ki, hər zaman onları öz qəhrəmanım kimi xatırlayacağam. Mənim valideynlərim mənə təkcə həyat bəxş etməmişlər, onlar hər bir çətin döngə və hər bir təhlükəli, riskli tramplində yanımda olmuşlar.
2 – Mən hər gün sizi düşünürəm
Hətta dəhşət məşğul olduqda belə, sizi düşünürəm. Mən sizin canınız və qanınızam. Mənim qəlbim hər zaman sizin qəlbinizlə əlaqəni hiss edəcək.
3 – Sizin övladınız olduğuma görə qürur duyuram
Buna görə sizə xahiş etmək, layiq olmağa gərək duyulmadan məni qanadlarınız altında böyütmüsünüz. Siz məni yedizdirmiş, böyük və yetkin insan olmağım üçün gərəkən şeylərlə təmin etmisiniz.
4 – Mənim üçün etdiklərinizi dəyərləndirirəm
Sonsuz sayda xırda şeylər vardır ki, onlar görünməz qalmışdır. Buna görə sizə, hələ də öz təşəkkürümü bildirməmişəm. Lakin bu təşəkkür mənim qəlbimdə yaşayır. Çünki sizsiz bu dünyada necə yaşa biləcəyimi təsəvvür edə bilmirəm.
5 – Mən sizi başa düşürəm
Bilirəm ki, ideal deyilsiniz. Siz adi insansınız. Anlayıram ki, biz müəyyən sınaqlardan keçirik və heç kim onlardan sığorta olunmayıb. Bu sınaqlara baxmayaraq, mənə həyat bağışlamış, şəxsi həyatımda keşməkeşlər qarşısında dura bilməyim üçün ehtiyac duyduğum dəstəyi göstərmişsiniz.
6 – Mən sonsuza qədər sizin üçün darıxıram
Mən karyera və şəxsi ailəmi qurmağa çalışdığım üçün sizdən uzaqdayam. Lakin uzaqda olduğuma baxmayaraq, sizin üçün darıxıram. Ola bilər ki, sizə yaxın olmalı idim, ancaq bilirəm, axı arzularımı reallaşdırmaq üçün səy göstərməyimi daim arzulamısınız. Sizin üçün darıxmağıma rəğmən, var gücümlə onları həyata keçirəcəyəm.
7 – Sizin sayənizdə daha yaxşı oluram
Mən özümü və kənardakıları məyus etməmişəm; genişqəlbli və güclü insan olmağı bacarmışam. Sizin sayənizdə qəlbimdə şəfqət və hərarət alovu yanır.
8 – Mən sizi – sözlərin ifadə edə biləcəyindən daha çox sevirəm
Sevgi sözlərə nisbətən, hərəkətlər vasitəsilə daha yaxşı ifadə olunur. Ancaq mənim qəlbimdə sizə qarşı o qədər sevgi vardır ki, onlar haqqında söz açmaq istəsəydim, bunun üçün tam bir əbədiliyə ehtiyac duyulardı.
9 – Mənə görə qurban verməyə məcbur qaldıqlarınız hər zaman qəlbimdə səslənir
Şəxsi maraqları qurban verərək uşağı birinci yerə qoymaq bacarığı hər kəsə əta edilməmişdir. Lakin siz buna görə bütün bacarığınızı qoydunuz. Sizin qərarlarınız eqoizmə deyil, əksinə, bizim üçün daha yaxşı olana əsaslanmışdır.
10 – Sizi itirmək qorxusu məni qarabaqara izləyir
Ölüm qaçılmazır. Bu faktı qəbul etmək gərəkdir ki, siz mənim həyatımda hər zaman olmayacaqsınız. Nə zamansa valideynləri olmayan bir insan ola biləcəyim fikri məni yaman qorxudur. Siz olmayacağınız zaman öz yolumu davam etmək məcburiyyətində olmalıyam.
11 – Çox peşmanam
Mən çoxlu səhvlər etmişəm və bu səhvlər mənə yeni bir şey öyrənmək imkanı vermişdir. Mən səhvlərimə və bilmədən vurduğum zərərlərə görə üzr istəyirəm. Bilirəm ki, tez-tez özümü ərköyün eqoist kimi aparmışam.
12 – Siz həmişə mənim ən yaxşı dostlarım olacaqsınız
Sizi əvəz etmək mümkün deyil. Siz həmişə həyatımın xüsusi anlarını bölüşmək istədiyim kəslərdən olacaqsınız.
13 – Mən sizə hər şeyi bağışlayıram
Səbəbsiz yerə sizə qarşı inciklik bəsləmək mənə ağır gələrdi. Aramızdakı münasibət mənim üçün bir-birimizə etdiyimiz istənilən xoşagəlməz hadisələrdən daha qiymətlidir. Zamanla siz səhvlər etmişsiniz və bəzən sizin davranışlarınız mənə acı vermişdir – və mən səmimi qəlbdən bütün bunlara görə sizi bağışlayıram.
14 – Mənim övladlarım həyatınızın əhəmiyyətli hissəsi olacaqdır
Mənim övladlarım heç vaxt sizdən uzaq olmayacaqlar. Onlar xoşbəxt şəkildə həyatlarının gözəl günlərini sizlərlə birlikdə keçirəcəklər.
15 – Mən heç vaxt sizinlə vidalaşa bilmərəm
Siz hər zaman mənim qəlbimdə olacaqsınız. Mən həmişə sizin barədə xatirələri qayğı ilə qoruyub saxlayacağam. Ona görə ki, hətta siz olmasanız belə, zatən həmişə mənimlə bərabər olacaqsınız.
Farid Abdullah
XƏBƏR LENTİ
- ŞƏRHLƏR