Türkiyənin Beşiktaş adlı bölgəsində metrostansiya tikintisi üçün ayrılan ərazidə aparılan qazıntılar zamanı ortaya çıxan tarixi faktlar görənləri təəccübləndirib.
Milli.Az xəbər verir ki, metro xəttinin Beşiktaş stansiyası üçün qazıntı işləri aparılan hissəsində 19-cu və 20-ci əsrlərə aid olduğu ehtimal edilən qalıqlar aşkarlanıb. Hadisə ilə bağlı Muzey İdarəsinə verilən məlumatdan sonra tikinti işləri dayandırılıb.
Türkiyənin neolit dövrünü araşdıran ən mühüm mütəxəssislərindən biri, professor Mehmet Özdoğan əraziyə baxış zamanı məhz bu tapıntıların əslində, İstanbul və xüsusilə də Boğaz tarixini yenidən yazdıracaq məlumatlar verə biləcəyini bildirib:
"Əslində, bunlar neolit dövrünə aid olduğu güman edilən tikili və qəbirlərdir. İstanbul Boğazı ətrafında ilk dəfə qarşılaşdığım bu hadisə olduqca həyəcanlandırıcıdır. Bəlkə də bu, İstanbul tarixi üçün yeni tarix deməkdir. İstanbul tarixində e.ə 6500 və 3000-ci illər arasındakı tarixi boşluq bəlkə də bu qalıqlarda gizlidir".
Qətiyyətlə neolit dövrü üzərindən araşdırma aparacağını bildirən arxeoloq qalıqların e.ə 4 min il əvvələ aid olduğunu bildirib: "Lakin son nəticəni qalıqları incələdikdən sonra deyə bilərəm".
XƏBƏR LENTİ
