Əslində hamımız müxtəlif insanlarıq, müxtəlif görünüşlü, üz quruluşunlü, müxtəlif cizgili və s. bu siyahını çox artırmaq olar. Hər bir insanın hansısa vərdişi var. Amma bəzən düşünəndə demək olar ki, bəzi vərdişlərin eyni olması insanları birləşdirir. Vərdişlərlə bağlı çoxlu sitatlar, aforizmlər var və fikirləri oxuyarkən yalnız bir nəticəyə gəlmək olar: tamamilə müxtəlif insanlarda oxşar adətlər olur. Gəlin birlikdə bəzi insanlara xas olan vərdişlərə baxaq. Bəlkə onlar artıq özümüzə çoxdan tanışdır. 
Uşaqlıqda anamız çörək almağa göndərəndə nədənsə çörəyin kənarını dişlənmiş gətirirdik. Düzünü desəm, bu hal məndə çox olub.
Bağçada yatma saatı gələndə nədənsə yatmaq bilmirdik, yerimizdə fırlanırdıq. Amma indi elə "Sakit yer olsa nə yataram" deyirik. 
Yəqin ki, hər birimizin uşaqlığımızı xatırladan balaca yara izimiz var.
Uşaqlığında heç yapışqanı tavanın üzərinə çəkib, qurumasını gözləyib və onu qoparmaqla əylənən olubmu?
Səhərləri yatıb qalanda evin içərisində "a-a-a-a-a-a yatıb qalmışam" deyə qışqıranınız olub?
Səhər qanunu: Ac olmaq daha yaxşıdır, nəinki makiyajsız olmaq.
Səhər saat 7-da yuxudan durub bu gün heç bir iş olmadığını bilib, sevinə-sevinə o biri üzü üstə uzanıb yatmağı hər kəs arzulayır.
Elə hal olur ki, çayı peçenye ilə içirik və onu çayımızın içərisinə salıb isladırıq. Hmm, birdən peçenye parçalanır və çayın içərisinə ovulur, bax onda başa düşə bilmirik nə içirik.
XƏBƏR LENTİ
- ŞƏRHLƏR