13 sayının uğursuz olduğu ilə bağlı inanc dünyada o qədər yayılıb ki,yaşayışa bir çox cəhətdən ciddi təsir etməkdədir.Bəzi ölkələrdə evlərin qapılarına 13 nömrəsi verilmir,təyyarələrdə 13-cü oturacaq sırası yoxdur. Hətta ayın 13-ü işə getməmək,təyyarə və qatar bronlarını ləğv etmək,alış-veriş edilməməsi və buna bənzər davranışların ABŞ-a gündə milyonlarca dollar ziyan vurduğu söyənməkdədir. Bu inanc bir fobiya, yəni bir qorxu xəstəliyi olaraq qəbul edilir və adı triskaidekafobiyadır. Ümumi olaraq bu inancın Hz.İsanın məhşur son yeməyindəki həvarilərin sayından qaynaqlandığı hesab edilsə də, kökü çox daha qədimlərə, Skandinavya torpaqlarına gedir.
O vaxtlar işıq və gözəllik tanrısı Balder bir ziyafət verir. Balder Vikinqlərin məhşur tanrıları olan Odin və Frigganın oğulları olub,ay kraliçası Nannamındanın həyat yoldaşıdır.Bu ziyafətə 12 nəfər dəvətli ikən,yalanların və hiylələrin tanrısı Loki dəvətli olmadığı halda zorla 13-cü nəfər kimi qatılmaq istəyir. Ancaq bu arada çıxan müzakirədə Loki digər tanrılar tərəfindən də çox sevilən Balderi öldürür.Bu mifoloji hekayə və inanc Skandinaviyadan Avropanın güneyinə qədər yayılır.Xristian din adamları bu xalq məsəlini Hz. İsanın son yeməyinə tətbiq edirlər. Xiristian versiyasında Balderin yerini Hz. İsa, Lokinin yerini də xain Judas alır.Bu yeməkdən sonra 24 saat ərzində də Hz. İsa çarmıxa çəkilərək öldürülür.Bu səbəbdən xristianlarda axşam yeməyində 13 adam bir araya gələrsə, bunlardan birinin başına bir fəlakət gələcəyinə inanılır.
Bu inanclara görə, 13 sayı uğursuzdur, amma ayın cümə gününə rast gələn 13-cü günü həmişə uğursuzdur.Ancaq belə bir gündə doğulmusunuzsa, tam tərsinə, yəni 13 sizin uğurlu gününüzdür.Cümə gününün uğursuz sayılmasına Həvvanın Adəmə almanı cümə günü yedirdib cənnətdən qovulmasına səbəb olması, Hz. Nuh zamanındakı böyük selin cümə günü olması, Hz. İsanın cümə günü çarmıxa çəkilməsi kimi hadisələrdən biri və ya hamısı səbəb olmuş ola bilər.Müsəlmanlar isə Hz. Adəmin cümə günü yaradıldığına inandıqlarından bu günə başqa günlərdən daha çox dəyər verirlər. 13 sayının uğursuzluğuna duyulan inancın kökündə bir il içində ayın 13 dəfə dolmuş olaraq görünməsinin səbəb olduğunu söyləyənlər də vardır.
BƏS SİZ NECƏ, 13 RƏQƏMİNİN UĞURSUZLUĞUNA İNANIRMISINIZ?
XƏBƏR LENTİ
- ŞƏRHLƏR