Özünüzü necə xoşbəxt edə biləcəyinizin yollarını sizlər üçün araşdırdıq. Məsləhətlərimizə göz ataraq hər günü xoşbəxt yaşaya və həyata daha müsbət baxa bilərsiniz.
Nəyi sevirəm?
Həyata bağlanmaq üçün məqsədinizin olması çox əhəmiyyətlidir. Sizi xoşbəxt edən və etməkdən ləzzət aldığınız hobbinizin olması sizə çox müsbət təsir edəcək.
Kifayət qədər məşğulammı?
Nəyləsə məşğul olmaq həm sıxıntınızı aradan qaldırar, həm də daha çox xoşbəxt olub yeni şeylər öyrənməyizi təmin edər. Buna görə də idman edə, sevdiyiniz bir sahədə işləyə, ya da sizi məşğul edəcək hər hansı bir məşğuliyyətə yönələ bilərsiniz.
Marağım hansı sahəyədir?
Musiqiyə, idmana, xarici dilə və ya rəqsə marağınız varmı? Elə isə dərs alaraq niyə marağınızı daha da professional hala gətirmirsiniz?Maraqlandığınız sahə haqqında daha çox məlumat sahibi olmaq həmin sahəyə daha çox maraq hiss etməyə imkan verir .
Özümə qulluq edə bilirəmmi?
Aynada özünüzü gözəl görsəniz, psixoloji olaraq xoşbəxt olarsınız. Ayın, ya da həftənin yalnız bir gününü özünüzə ayırın. Manikür, pedikür etdirmək, saçlarınıza fərqli bir model vermək sizə çox yaxşı təsir edəcəkdir.
Sevdiklərimlə kifayət qədər vaxt keçirə bilirəmmi?
Ailə və ya dostlarınızla kifayət qədər vaxt keçirdiyinizi düşünürsünüzmü? Psixoloji olaraq sevdiyiniz insanların yanında olmaq sizi xoşbəxt edər. Bu səbəblə ailənizə, sevgilinizə və dostlarınıza normaldan daha çox zaman ayıraraq gününüzü əyləncəli və xoşbəxt keçirə bilərsiniz.
Yuxarıda qeyd etdiklərimizdən başqa xoşbəxt yaşamaq üçün aşağıda yazılanları diqqətli oxuyun.
1- Özünə və insanlara gülümsə.
2 - İnsanlara istədiklərindən çox şey ver və bunu ürəkdən istəyərək et.
3 - Dua et.
4 - Eşitdiyin hər şeyə inanma, sahib olduqlarını boşa xərcləmə və gərəyindən çox yatma.
5 - "Səni sevirəm" deyəndə, bunun mənasını hiss edərək söylə.
6 - Birinə "Təəssüf edirəm" deyəndə, həmin adamın gözlərinin içinə bax.
7 - Heç kimin xülyalarını kiçik hesab etmə.
8 - Dərindən sev, bu bəzən səni incidə bilər, lakin bu, həyatını xoşbəxt yaşaya bilmək üçün yeganə yoldur.
9 - Hər hansı bir anlaşılmazlığı açıq bir rəftarla et, küsəyənlik göstərmə.
10 - Yavaş danış, amma sürətlə düşün.
11 - Özünə hörmət et, hər kəsə hörmət göstər və məsuliyyətli ol.
12 - Mükəmməl bir yoldaşlığa son verəcək müzakirələrə girmə.
13 - Bir səhv etdiyinin fərqinə vardığın zaman onu düzəltmək üçün nə lazımdırsa et, özü də bunu dərhal et .
14 - Sənə zəng edən şəxs görməsə də telefonu gülümsəyərək aç.
15 - Söhbət etməyi sevdiyin biriylə evlən, çünki, irəlidə qocalanda söhbət etmək ən çox axtardığın xüsusiyyət olacaq.
16 - Dəyişiklikləri qəbul et, amma əsla öz dəyərlərini rədd etmə.
17 - Hobbilərini kəşf et.
18 - Mütləq özünə və ailənə bir gün ayır.
19 - Yaxşı bir həyat yaşa, yaşlananda və keçmişi xatırlayanda bundan nə qədər xoşbəxt olacağını düşün.
20 - Allaha inan, lakin yenə də hər zaman tədbirli ol.
21 - Evində sakitlik olması üçün əlindən gələni et.
22 - Bildiklərini insanlarla paylaş.
23 - Sevdiklərinə məktub yaz, bəzən söyləyə bilmədiklərini bu şəkildə ifadə edə bilərsən.
24 - İdman et.
25 - Özünlə danış.
Hər zaman optimist və xoşbəxt olmağınız diləyi ilə...
XƏBƏR LENTİ
- ŞƏRHLƏR